Así é como transcorre un día na vida dun can, pero non dun can calquera. Trátase dun can moi especial que pertence a unha raza mítica, lendaria e con moito prestixio, a de Palleiro. Este can é Duncan de Palleiro, o Príncipe das Corredoiras.
Duncan leva unha vida sinxela á beira do seu amo Aurelio e dos seus amigos, veciñas e rabaños de sempre nunha aldeiña ao abeiro do monte Espigo chamada Oubidos, da cal se sente moi fachendoso.
É a décima vez que soa o teléfono na metade da noite. Despois de atravesar a cidade horriblemente iluminada, no medio da chuvia, deambular entre bloques de vivendas, atopar o edificio, a escaleira, o piso e a porta...el e ela confróntanse de novo para trazar o itinerario da súa primeira vez.
Defendida a toda costa por el, sabotada polas constantes saídas de ton dela, querendo e non; un asúmea como feito necesario, oportuno e desexado, pero intranscendente, mentres que a outra ansía unha primeira vez perfecta, resultado dunha decisión moi meditada, ata o extremo.
Culturactiva ten o pracer de convidarvos a Papar sen cancelas, un delicioso espectáculo onde poderedes deleitarvos cunha exquisita selección gourmet dos mellores pratos da nosa lingua. Linguas soltas, linguas hábiles, linguas deslinguadas, linguas para todos os gustos! Poderedes presenciar as artes para a cociña cómica de tres xeniais chefs preparando o menú para personaxes entre o máis distinguido do panorama galego actual. Comedia de alta cociña sobre a cultura galega. Porque en Galicia cómese ben, e fálase mellor
A señorita Ernestina é a fermosa bibliotecaria da vila de Parangón. Aínda que é orfa e non ten familiares ricos os bandidos desta peza decidiron secuestrala. Pretenden xerar un caos cultural que obrigue ás autoridades a pagar polo rescate da bibliotecaria.
En O mundo máxico de Pinocho, o público atoparase cunha curiosa adaptación ao teatro musical do clásico de Carlo Collodi. Unha historia contada a través dos ollos de Pepiño Grilo, que xunto coa Fada Mimadriña, Raposo e Gato acompañará a Pinocho no camiño de converterse nun neno de verdade. Un camiño que comeza no taller de Gepetto, e que pasará pola escola, por un circo de monicreques onde un malvado titiriteiro intentará raptalo e ata pola barriga dun peixe xigante. Todo para que o protagonista aprenda que dicir mentiras ten as súas consecuencias.
Onde viven os monstros baséase na obra de Maurice Sendak, escritor estadounidense de orixe polaca. Un fiel retrato da infancia. Unha peza inspirada no clásico da literatura infantil, considerado o álbum ilustrado perfecto, que mestura fantasía e realidade por igual, trazando un fiel retrato da infancia.
O pequeno Max pasa o día facendo trastadas. A súa nai, cansada desta situación, decide castigalo. Enfadado, Max viaxará ao marabilloso mundo onde viven os monstros, no que vivirá aventuras extraordinarias ata converterse en rei. Unha tarefa máis difícil do que el pensaba.
Pa cama é unha exploración de xogos entre dous amigos que antes de durmirse descobren un mundo de aventuras que lles distrae do soño. A súa predisposición e inxenuidade fan que atopen diversión no máis sinxelo, en todo aquilo que lles rodea, no marco dun ambiente tan acogedor como o é un dormitorio.
Un xogo leva a outro, desde unha pelota ata unhas almohadas que fan de ás para voar, pasando polas sabas axitándose no aire, a toalla enrollándose e desenrollándose, a luz apagándose e acendéndose, e uns pequenos títeres en forma de ollos que se bican.
Paula está moi contenta porque o seu pai regaloulle un xilófono, e para darlle as grazas vai tocarlle unha canción, pero cando empeza a practicar, dunha caixa máxica empezan a saír animais e grazas a eles descubrirá moitas cousas .
Qué animaliño é?, é unha obra para bebés que lles fará gozar, coñecer e recoñecer as cousas que ven ao seu redor .A través de diferentes elementos sensoriais (bolas de la, burbullas de xabón ,confeti, instrumentos, sons …)os máis pequenos da casa gozarán desta emocionante aventura.
Minia, unha muller agora adulta, chegará este outono a cinco concellos da Rede de Dinamización Lingüística acompañada dos xogos que facía de pequena e de moitas caixas de cartón que atopou no almacén onde enredaba de cativa. Son caixas aparentemente inútiles, pero que a levan a lembrar as aventuras e personaxes que creaba con elas e que lle permiten transformar o espazo en que está nos diferentes ambientes imaxinados.
Un traxe especial para un rei especial. Aquel traxe novo e máxico prometía ser un capricho inigualable, e unha ferramenta perfecta para saber o nivel de intelixencia de calquera habitante da corte. Pero, ¿podía ser certo?, ¿funcionaría?. De algún xeito sí, pero non coma él esperaba.
