O Territorio Cultural das Pedriñas continúa coa súa III Mostra de Teatro desta vez coa temática do SAMAÍN, coa representación o venres 25 de Outubro ás 22:00 da obra “As Bruxas de Salem”, de Desfeita Teatro, unha adaptación da obra teatral escrita por Arthur Miller en 1952 e baseada en feitos reais. Bruxas, demos, e unha historia na que unha comunidade vése aterrorizada por unhas visións demoniácas.
Uns feirantes chegan ao que chaman fogar logo dun día de traballo. Son Camilo e Tomás, dous titiriteiros que levan o mesmo espectáculo unha e outra vez polas vilas do país. Carretan ás costas un enorme "tutilimundi". A disxuntiva de abrilo convérteo nunha caixa de pandora latente.
Unha viúva aristocrática terá unha experiencia única, absolutamente inesperada, que a levará a enfrontarse a todos os seus principios vitais e morais, cando no Casino de Monte Carlo, coñece a un mozo ludópata que, despois de perder unha fortuna na ruleta, intenta suicidarse. Zweig lévanos a través da vella Europa, a Riviera, a Costa Azul, a antiga Viena ... afondando nunha historia esmagadora, vaporosa e rápida, cunha mirada irónica e mordaz sobre a sociedade e personaxes cheos de forza, que se debaten entre o o ben e o mal, entre a moral e as paixóns máis profundas.
Elenco: Mela Casal, Sheyla Fariña e Nieves Rodríguez
Un lugar indeterminado. Tres mulleres. Sete testemuños reais. Un millón de razóns para falar do maltrato. Non máis invisibles.
Elenco: Laura Sarasola
Un pequeno teatro viaxa arredor do mundo dentro dunha caixiña de recordos. Un elenco formado por fabulosos artistas de rúa mostran os máis variados números: equilibrismos, maxia mentalista, malabares, música e como non, os dous grandes paiasos Tontón e Totó Gluk. A maxia dos fíos destas marionetas liarán nunha viaxe fascinante ao público, que se converte en gran protagonista participando activamente durante todo o show. Un espectáculo moi divertido e participativo para tódolos públicos.
Manipulador: Borja Insua
Circo Galaico é un espectáculo de variedades conducido por un presentador que será o mestre de cerimonias de clásicos e insólitos números de circo.
Un circo único onde a maxia e o fantástico se mestura co autóctono, onde os acróbatas e malabaristas serán animais da fauna galega coma o xabarín, o lobo ou a pita do monte.
COMEDIA DE AUTOFICCIÓN DOCUMENTAL TRANSDISCIPLINAR E INTERXENERACIONAL PAR ESPECIES DE ESPACIOS E PÚBLICO CON OU SEN MEMORIA INTERPRETADA POR 6 OU MÁIS PERSOAS QUE PODEN NON SER ACTRICES OU ACTORES.
Por primeira vez en moito tempo os avós deciden ir pasar o Nadal á cidade e compartir uns días cos seus netos. Pero ao chegar atópanse cunha familia moi ocupada... Entre o traballo, as clases e as actividades extraescolares, os avós case non atopan ocasión para facer o que máis lles gusta: contar contos á súa familia. A través deste fío argumental, descubrimos oito contos da nosa tradición oral recollidos pola provincia de Lugo e protagonizados por animais, algunha que outra persoa e elementos como o vento, a auga e o lume.
O entrañable Ruliño (personaxe dá obra de Neira Vilas) móstranos ou mundo do circo rural, na compañía dous intrépidos percusionistas de Odaiko. Un espectáculo que traslada ao público a outros tempos nos que ou rural galego víase impregnado pola maxia do circo de cando en vez. Ou clown e vos gags teatrais farán as delicias do público e arrincaranlle enormes gargalladas.
