Este é un festival gratuíto na área recreativa de Samugueiros, no centro da Pobra do Brollón (Lugo).
Celébrase en horario de tarde-noite. O inicio será ás 19.30h co espectáculo familiar ‘Concerto singular’, unha comedia musical e xestual da compañía Píscore.
Despois de editar o seu primeiro disco en 2016 cunha proposta arriscada e rompedora de canto e percusión tradicionais, Xosé Lois Romero & Aliboria preséntannos agora o seu segundo disco no que deixan claro que viñeron para quedar e que a súa proposta non so non se limita a versionar repertorio tradicional senón que ven a situarse radicalmente na contemporaneidade máis absoluta, sen complexos nin limitacións previas.
Unha banda de World Music que cociña sons con sabor e cor. Unha proposta libre e independente, que reinterpreta as formas e estilos tradicionais, na que o espazo e o tempo conflúen nunha música chea de matices, texturas e ambientes. A sonoridade do grupo flúe a través do amplo ábano tímbrico dos diferentes instrumentos e instrumentistas que a conforman, recollendo pintadas mediterráneas, latinas, jazzísticas e tradicionais. Un proxecto froito da inquedanza de seis músicos de diferentes estilos e ampla traxectoria musical, na procura dunha sonoridade e linguaxe propia.
Rodrigo Romani é un músico coñecido para o público galego e español, primordialmente entre os amantes da música de raíz , polo seu traballo como fundador do grupo Milladoiro , co que percorreu o mundo durante vinte anos, promovendo o uso do arpa céltica na música galega e colaborando con artistas e orquestras de primeira fila por todo o planeta.
Os Cantos de taberna, aínda que forma parte da programación de Nadal de Santiago de Compostela, non están centrados nas panxoliñas, senón na música do repertorio tradicional.
A actividade, realizada polo concello da cidade en colaboración coa Asociación Muiñeiros do Sarela, arrancará cun obradoiro nos centros sociais dos barrios correspondentes (entre as seis e as oito da tarde) e logo con música tradicional de tabernas interpretada polas rúas e tabernas de cada barrio (a partir das 20.30).
Concerto no que se interpretan os temas do novo álbum de Escuchando Elefantes, "Hope".
Gold and Colt é a banda pontevedresa referente da americana en Galicia. A súa é música de raíces e por iso pódense saborear o country e o blues na voz rasgada de Dany, a “steel guitar” (entre outras) de Rober, a milimétrica batería de Michi e o corazón vibrante do contrabaixo de Juyma. No 2015 publicaron o seu primeiro disco, grabado en directo (como só poden facer os bos músicos).
Desde os seus inicios, Sumrrá cativou crítica e público cun jazz inclasificable, melódico e moi aberto, destacando a orixinalidade das súas composicións, a calidade dos seus integrantes e a frescura dos seus directos. Sumrrá non entende de modas, de etiquetas, nin de estilos. Pasaron 13 anos, que en jazz é moito tempo, desta feliz reunión, e o trío continúa reinventándose e alimentándose dos proxectos paralelos dos seus compoñentes.
Un grupo de música tradicional, un grupo de pachanga e a posibilidade dun picadiscos.
A Verbena galega conta cun escenario móbil só para exterior, así como equipo de son e iluminación profesional.
Partindo dun coñecemento rigoroso da tradición e das músicas de transmisión oral, xúntanse Olaia Maneiro, Sabela Maneiro e Aida Tarrío nun encontro único onde a maxia, a naturalidade, a espontaneidade e a unión musical xorden desde o primeiro minuto. Despois de percorrer todos os palcos do país e algún internacional (Celtic Connections Glasgow), despois de poñer música a actos e encontros musicais diversos, aparecer en programas de TV como Luar, Alalá, … deciden gravar a súa ópera prima apuntando moi alto.
