Gelria presenta na Coruña, a súa cidade natal, o seu primeiro disco, Cantos de poeta. O trío galego-catalán, formado por Mario G. Cortizo, Federico Mosquera e Elena Tarrats, fai un percorrido musical pola mellor poesía galega de todos os tempos. Cantos de poeta, publicado en 2016, inclúe textos de Manuel Rivas e Xosé Lois Romero e musica poemas desde Rosalía de Castro ata Chus Pato pasando por Manuel Antonio, Novoneyra ou Cunqueiro.
Cé Orquestra Pantasma dinamiza cos seus xogos e coa súa música esta xornada no dolmen de Dombate, en Cabana de Bergantiños.
Baixo Cé Orquestra Pantasma agóchase o vigués César Freiria, músico autodidacta e apaixonado dos instrumentos musicais. Comezou a súa andaina musical aos oito anos dentro da música tradicional e dende aquela non deixou de navegar polos variados estilos da música popular, chegando a formar parte de grupos tan dispares entre si coma A Roda ou a banda de punk Oxtiax ke te Pariu.
O Auditorio Neira Vilas da Cidade da Cultura acolle un acto homenaxe á figura de Germán Lago, fundador e director de diferentes agrupacións musicais de pulso e púa, e que presentou en Madrid en 1929 a Orquesta Ibérica, formación de bandurrias, laúdes e guitarras que contou dende os seus comezos coa favorable atención dos críticos e compositores da Xeración do 27 e numerosos contratos discográficos.
Coanhadeira condensou nunha caixiña todas as pequenas e grandes ideas xurdidas ao longo dos últimos cinco anos. Bicos con luvas pretende sumarse en positivo á musica feita en Galicia, sen prexuízos e facer bailable calquera lugar, ateigar do poder percusivo, de letras sorprendentes, de atmosferas sutís, de adornos do país e de anacos dos mundos de cada un dos compoñentes da formación e do camiño conxunto até hoxe de Coanhadeira. Por eses camiños, este grupo folk continuará unha traxectoria musical que xa recolleu o recoñecemento do público e da crítica.
O folk tradicional mesturado con outras formas de expresión artística de Habelas Hainas chega ao bar de Moaña.
Entrada 5 euros. Pode reservarse no 986 31 09 91.
Con motivo da designación de Carlos Casares como autor do Día das Letras Galegas 2017, Xardín Desordenado confeccionou un programa na súa homenaxe, no que se inclúen cancións con diversos textos do autor. O resultado foi o disco “Casares”, que será presentado o vindeiro día 5 de outubro no museo MARCO de Vigo. Coa participación de Gustavo Adolfo Garrido (Fundación Carlos Casares), Isaac Garabatos (Sul Producciones) e concerto de Xardín Desordenado.
Apoiándose na recuperación da figura do home orquestra, Cé Orquestra Pantasma convértese na fórmula perfecta para escapar do mundo por uns intres, deixándose levar, entregándose por completo á festa. Porque iso é o que son os seus espectáculos: unha gran festa chea de forza, ritmo e fantasía onde o público deixa de ser espectador para se converter en protagonista.
É no 2010 cando se cruzan os camiños destas catro mulleres de ampla traxectoria no mundo da música tradicional, para crearen o proxecto Habelas Hainas.
Guadi Galego é unha vocalista galega que toca a gaita e o piano. Este ano despídese da xira O mundo está parado, onde mostra a súa habilidade co folklore galego e coas raíces da música tradicional de Galicia.
Esta compositora participa ata 2008 no grupo Berrogüetto e tamén co dúo Espido e os Nordestin@s. Ademais de O mundo está parado, conta con outros discos propios dende o ano 2005, entre eles encontramos Espido, Benzón e Lúas de outubro e agosto.
Combarro, en Poio, inclúe na súa Festa do Mar os concertos Festifolk Poio, coas actuacións de Xabier Díaz e Adufeiras de Salitre e Radio Cos.
Máis información e programa completo no enlace.
