Un novo nadador descóbrese escritor. Narra as súas primeiras experiencias amorosas e a deriva na que se atopa antes de coñecer a súa vocación. O protagonista lévanos coa súa voz a escenarios onde construirá co espectador as súas lembranzas. Xamais o vemos, nin a el nin a ningún dos personaxes.
Ángel e o seu irmán Franco levan un ano nun centro de detención xuvenil. Tras un feito violento, xorde entre os prisioneiros a idea de fuxir a través dun motín. Ángel desconfía do plan pero, preocupado pola saúde de Franco, comeza a velo como a súa única saída.
No remoto refuxio alpino do Niño do Aguia, Eva Braun recibe a visita do seu amante. Hitler chega acompañado dos seus máis fieis colaboradores, entre eles o contrafeito Joseph Goebbels, a súa esposa Magda e o ambicioso e autoritario Martin Bormann. Pasan un día de descanso entre comidas vexetarianas, paseos e danzas grotescas pola montaña, todo zarrapicado por paradoxais discusións que contribúen a debuxar a figura dun ditador decadente, paranoico e infantiloide, rodeado dun grupo servil e envexoso.
O 23 de decembro de 2015 o Ministerio de Facenda publicou a súa primeira ‘Lista de morosos’. No número 1 figuraba un completo descoñecido: Agapito García Sánchez. Esta é a súa historia... a de todo un país. O documental revela a García Sánchez como unha versión moderna do protagonista de O proceso de Kafka; un cidadán fronte a tiranía dos mecanismos do Estado e a súa administración, grazas ao cal, acaba por converterse en fío condutor dunha análise detallada sobre o alarmante envilecimiento das garantías cidadás.
Crista, Carloto e João están a construír un aireado invernadoiro para bolboretas no xardín. Os tres comparten rutinas do fogar, día tras día… E non son os únicos.
Maureen Fazendeiro (Francia, 1989) estudou literatura, arte e cinema na Universidade París VII. Os seus filmes Motu Maeva (2014) e Sol Negro (2019) pasaron por festivais como FID Marseille, Toronto, Mar Del Plata, Viennale, Valdivia, DocLisboa, Vila do Conde e Sevilla.
O documental descobre a historia de Vicente Miguel Carceller, un editor comprometido coa liberdade, que co seu semanario ‘La Traca’ conectou co pobo e mantivo un pulso co poder desde 1909 ata 1939, chegando a ter unha tirada de medio millón de exemplares semanais. Un hedonista, festivo e transgresor que, cos seus artigos e ferintes viñetas contra a igrexa, o rei e xenerais fascistas como Franco e Queipo de Llano, converteu o seu éxito en destino.
Durante a turbulenta ditadura de Pinochet no Chile dos anos 80, unha vella travesti involúcrase nunha arriscada operación clandestina, logo de namorarse dun guerrilleiro mexicano que lle pide ocultar na súa casa perigosos segredos da resistencia.
Nun pequeno pobo de provincias os habitantes viven sometidos ás esixencias de don Justino, o caprichoso cacique local, que obriga á encantadora Mariana a casar con el. Cando Juan, noivo de Mariana, regresa do servizo militar, ha descubrir que perdeu á súa prometida e, para tentar recuperala, recurrirá á axuda dunha bruxa.
Tras se enterar do suicidio de Bernal, Humberto reúne logo de moitos anos a Cristian, Daniel e Gabriela para cumprir o que interpreta como a derradeira vontade do defunto: resolver os conflitos que os alonxaron ao rematar a escola. Obsesionado cun vídeo testemuñal de Bernal onde se poderían ocultar as razóns do seu suicidio e culpándose por desatender a mensaxe no momento apropiado, Humberto embárcase nun exercicio de memoria sobre un pasado que talvez é hora de transcender.
Nicolás Prividera, director de M (sobre a procura da súa nai desaparecida) e Tierra de los padres (sobre a historia arxentina que levou á última ditadura), entérase de que o seu pai padece o mal de Alzheimer. Sente entón que esa ironía do destino obrígao a completar esas películas cunha sorte de terceira parte (triloxía involuntaria, xa que desexaba en cada paso escapar do tema, para volver caer nel), e decide que esa película (a súa despedida dunha cuestión que atravesa a cultura contemporánea) non pode senón chamarse Adiós a la memoria...
