Sam é un neno de 11 anos que está de vacacións de verán coa súa familia. Ao longo da semana coñecerá á intrépida Tess, unha nena aventureira e misteriosa que lle fará reflexionar sobre o valor da amizade e a familia.
Un filme tenro e cativador para partillar coa familia, premiada en múltiples festivais como a Berlinale ou o New York International Film Festival.
Explora o lendario Harlem Cultural Festival celebrado nos Estados Unidos no 1969. Nel rendeuse homenaxe á cultura e á música afroamericana, ademais de promover o black pride e a unidade entre personas dunha mesma raza. Inclúe actuacións inéditas de artistas como Stevie Wonder, B.B. King, Nina Simone, Abbey Lincoln, Mahalia Jackson, Moms Mabley, Jesse Jackson, Mavis Staples, David Ruffin, Cal Tjader, The 5th Dimension, Sly and The Family Stone.
Documental narrado en primeira persoa por Alba e Raúl, unha parella de cineastas que decide cargar as súas cámaras nas mochilas para emprender unha aventura de miles de quilómetros polas grandes rutas a pé do mundo.
Diferentes rostros amósannos un Irán onde tradición e modernidade conviven e confróntanse. Erfan invítanos a descubrir un país tan misterioso como culto a través da música e as súas xentes. El é un mozo kurdo, divertido e irónico, que quere converterse en director de cine. Canta, escribe poesía, vive cos seus pais e o seu loro, pero non sabe nada do amor.
A estrea do filme, o 9 de xullo, contará con presentación e coloquio do seu director, Javier Tolentino.
Brillante, intelixente, apaixonada e libre. Así é Eleanor “Tussy” Marx, a filla pequena de Karl Marx, unha das primeiras feministas que continuou co legado do seu pai e o seu compañeiro Engels. Loitadora incansable polos dereitos dos traballadores, pola abolición do traballo infantil, polos dereitos das mulleres e, en xeral, por moitas inxustizas... menos polas da súa vida privada, onde a súa atracción polo desenfreado e presumido Edward Aveling pon do revés todo o que Eleanor defende na súa vida pública.
Vacacións na campiña francesa. Daphne, embarazada de tres meses, atópase soa para recibir a Maxime, o curmán do seu novo mozo François, quen tivo que irse a París para cubrir a un compañeiro enfermo. Durante catro días, mentres esperan o regreso de François, Daphne e Maxime coñécense e comparten historias moi íntimas que os achegarán...
Cando Jean-Gab e Manu, dous amigos non moi intelixentes, atopan unha mosca xigante viva e atrapada no maleteiro dun coche, deciden adestrala para gañar cartos con ela.
Primeiro foi unha roda (Rubber), despois unha chaqueta (A chaqueta de pel de cervo), e agora é un moscón enorme. Da mente do xenio Quentin Dupieux chega outra xoia cun inesperado protagonista.
Relata un período na vida de Cayetana, unha nena de oito anos que crece no Perú de comezos dos 80, cando a violencia terrorista comezaba a axitar ao país. A historia transcorre segundo o punto de vista desta nena intelixente, pero cunha personalidade algo escura e distorsionada. Filla de pais separados, Cayetana está soa e baixo o coidado dos seus empregados. Tras regresar dunha longa viaxe, a súa nai, Inés, dálle unha noticia inesperada: está embarazada. O fráxil mundo de Cayetana se desmorona.
O concello de Ferrol ofrece, no marco da programación institucional conmemorativa das Letras Galegas 2021 da Xunta de Galicia, a proxección do documental Xela Arias. Poeta nas marxes.
LUCIÉRNAGAS, BICHOS Y OTROS SERES / Fernando Godoy
A obra é unha instalación efémera e performativa baseada na luz e son analóxico.
