Nun período de 7 anos viaxo dúas veces a Taiwan para coñecer á miña nai. Teño preguntas sobre o asasinato do meu pai, un feito que tivo lugar en circunstancias que nunca se esclareceron. Entre cervexas e cigarros, cóntame a pouca información que ten sobre el e sobre a súa morte..
Érase unha vez, un pequeno barrio familiar na periferia de Roma, a canícula alegre agochaba unha sofocante atmósfera de alienación. Varias familias nunha especie de limbo, a tensión é crecente e parece poder estoupar dun momento a outro.Din os directores que os relatos deste filme están inspirados en historias reais e estas, a súa vez, en historias falsas…
Un home que perdeu completamente a memoria debe reiniciar a súa vida nunha zona marxinal, xunto a seres humanos apartados da sociedade.
A musicóloga suíza Dorothé Schubarth chegou a Galicia a finais dos 70 na busca de cancións tradicionais que desapareceran no centro de Europa. Desta busca saíron as 300 horas de gravacións que forman o Cancioneiro Popular Galego, a maior compilación de músicas tradicionais do país hoxe en día depositadas no APOI – Museo do Pobo Galego. Corenta anos despois, dúas mozas inician unha viaxe tras os pasos de Schubarth para encontrar as voces que ela recolleu e descubrir as súas historias de vida.
María Solinha foi unha das máis famosas bruxas, entre comiñas, de Galicia, onde mesmo hai rúas co seu nome. Ignacio Vilar, autor das cintas 'A Esmorga e de 'Pradolongo', é un prolífico cineasta que sentiu atrapado pola historia dunha muller enorme que debía chegar xa ao común dos mortais e saír da lista das descoñecidas entre a sociedade.
JJ (Ethan Hawke), un soldado norteamericano destinado en Roma, ve saltar polos aires a cidade do Vaticano a plena noite. Así embárcarase nunha heroica viaxe para descubrir e enfrentarse a un inimigo descoñecido que está a ameazar o mundo enteiro. Pero que papel xoga en todo isto o seu irmán, un radical revolucionario que se encontra en busca e captura?
Lili tivo unha relación estable durante algúns anos. Aínda que todo parece funcionar entre a súa parella e ela, hai unha infelicidade subxacente na súa vida cotiá que a afasta de ser feliz. Liliana revisará o seu pasado para preguntarse, que fixemos mal?
Tres familias viven nun edificio de tres andares. Ao longo de dez anos, a vida obriga a todos os seus personaxes a se enfrontar a conflitos que afectan as relacións entre irmáns, pais e fillos, maridos e esposas. As decisións que tomarán cada un deles terán repercusións nas súas vidas.
Valentina soña con ser trapecista e cre que por ser Down non poderá conseguilo, pero a súa avoa, compañeira de xogos, aprendizaxes e cancións, asegúralle que, se as orugas conseguen converterse en bolboretas, nada é imposible. E que nunca debemos perder a ilusión nin as ganas de aprender, as mesmas que ela pon, aínda á súa idade, no seu afán de converterse en directora de orquestra.
Chihiro é unha nena de dez anos que viaxa en coche cos seus pais. Despois de atravesar un túnel, chegan a un mundo fantástico, no que non hai lugar para os seres humanos, só para os deuses de primeira e segunda clase. Cando descobre que os seus pais foron convertidos en porcos, Chihiro sente moi soa e asustada.
