Obra mestra do cinema mundial, aclamada pola Nouvelle Vague, que loce como nunca restaurada en alta definición. Unha fascinante revisión do mito de Orfeo no París dos anos 50, e a obra máis persoal de Jean Cocteau ("A bela e a besta"). Un poema visual dunha modernidade cegadora protagonizado por Jean Marais ("Elena e os homes") e a española María Casares ("Os nenos do paraíso"). Imprescindible.
Julio está morto. É unha noticia terrible para OVNI Levante, a asociación de afeccionados á ufología que el dirixiu. A morte golpéalle con especial forza a un dos seus membros, José Manuel. Julio e el tiñan un proxecto común de vital importancia. Agora deberá continuar só como único coñecedor do segredo cósmico que pode alterar o porvir humano. Mentres tanto, en España búscase a unha nena que desapareceu hai semanas.
Un pobre vagabundo (Charles Chaplin) pasa mil e un avatares para conseguir diñeiro e axudar a unha florista cega (Virginia Cherrill) da que se namorou.
Las motitos, de Inés Barrionuevo e Gabriela Vida (2020, 84′) En toda Córdoba hai unha onda de saqueos e a Policía estase levando moitas e moitos mozos. No medio deste período convulso, a adolescente Juliana queda preñada do seu mozo, Lautaro. Ela quere abortar, pero ten medo de facelo con pastillas e non ten cartos para pagar unha intervención.
Dúas mulleres compartiron a súa vida cun home. Cando este falece, vítima dunha terrible malleira a mans dos seus compañeiros de equipo de béisbol, estala o conflito entre elas, xa que ambas queren enterrar ao cadáver. Os equívocos e os enredos non fan senón complicarse a medida que expoñen os seus particulares puntos de vista sobre o falecemento. Aclamada comedia de humor negro que saca o título dun famoso corrido mexicano que di “a perdición dos homes son as malditas mulleres…”
Sintiéndolo mucho é un retrato de Joaquín Sabina sen sombreiro, feito a moi poucos centímetros da súa pel, con nocturnidade e aleivosía, polo seu amigo, o cineasta Fernando León de Aranoa.
Un relato como a súa voz, áspero e sen ecualizar, que conta sen atenuantes a intimidade do artista, as súas bambolinas, a súa cara B. Que comeza cando baixa do escenario, que a acompaña no cotiá, e así no inesperado: na risa e no drama.
Nancy, leste de Francia. Verán. Tratando de fuxir do seu problemático contorno familiar, Sophie, unha moza de 15 anos, aproveita a oportunidade de facerse cun xogo de chaves da casa da súa adiñeirada amiga Xade. Mentres goza da ampla vivenda, que cría baleira durante o verán, atópase co irmán maior da súa amiga, Stéphane, quen, por azares do destino, tamén estaba a planear quedar. Mais, no canto de botala, Stéphane decide deixar a porta aberta e convida a Sophie a un verán inesperado.
1976, Chile. Carmen marcha para a praia coa intención de supervisar a remodelación da súa casa. O seu home, os fillos e os netos van e veñen nas vacacións de inverno. Cando o sacerdote da familia lle pide que coide a un mozo que aloxan en segredo, Carmen entrará en territorios inexplorados, lonxe da vida tranquila que adoita levar.
Blanca é unha moza de 18 anos que vive nun fogar de acollida. Un día convértese en testemuña clave nun escándalo que investiga a participación de políticos e homes ricos en festas sexuais con menores. Así e todo, cantas máis preguntas se fan, menos claro parece o papel de Blanca no escándalo.
Helena e Iván propóñense construír unha nova vida nun sobreiral, pero os seus diferentes puntos de vista sobre como vivir na terra emerxen, desafiando o seu futuro como parella.
