Proxección audiovisual

Nun afastado planeta viven dúas familas de marcianos: os Smeds e os Smoos. Os Smeds dormen en camas, teñen pés de pato e pelos raros, xogan na auga, beben leite rosa e comen pan marrón, mentres que os Smoos levan zapatos, comen en furados, gústalles saltar todo o tempo, beben té negro e comen estofados verdes. Os Smeds e os Smoos non se levan ben; viven separados e nunca xogan xuntos, está prohibido!

Un programa sobre marcianos e naves espaciais que nos ensinan a traballar a tolerancia e a aceptación da diversidade.

As novas tecnoloxías están a transformar unha cidade reloxeira do século XIX en Suíza. Josephine, unha moza traballadora dunha fábrica, produce a roda de disturbios, que xira no corazón do reloxo mecánico. Exposta a novas formas de organizar o diñeiro, o tempo e o traballo, involúcrase no movemento local dos reloxeiros anarquistas, onde coñece ao viaxeiro ruso Piotr Kropotkin.

Na Irlanda rural de 1981, Cáit, unha nena de nove anos, vive retraída entre a súa familia numerosa e hostil. Os seus pais envíana a pasar o verán na casa duns parentes máis adiñeirados, onde o misterioso silencio de Cáit atopará a calor dun fogar e idílicas paisaxes. Alí, a pequena farase eco do secreto que a familia adoptiva cala.

Biopic sobre António Variações, polifacético cantante e icona gai de finais dos 70´. A película trata sobre o seu proceso de transformación en António Variações, un artista excéntrico e popular cuxa carreira se viu repentinamente interrompida pola súa morte en 1984. Anxo da garda é unha homenaxe a todos os que aínda hoxe perseguen os seus soños e atopan formas de transformar as súas vidas.

O ménage à trois inventárono os franceses...

Un documental pioneiro sobre a vida das persoas trans na Illa de Tenerife, que conta en primeira persoa o longo proceso que sufriron os seus protagonistas para ser aceptadas en tempos de ditadura e represión. Co testemuño, entre outras, de Carla Antonelli.

Leo, Juan, David e Lucio coinciden no vestiario do ximnasio. Son catro persoas con catro visións distintas sobre temas como a masculinidade. Pronto xorden debates que parecían superados e a tensión vai en aumento.

Ás manifestacións hai que levar pancarta.

Un relato a sete voces, sete mulleres LTBIQ que visibilizan a súa diversidade afectivo-sexual e de xénero. Un relato a través das súas vivencias, dacabalo entre o drama e o humor, a tenrura e a realidade, non sempre fácil no seu día a día. Un relato que transita do binario, o branco e negro, á cor, á pluralidade de opcións e eleccións, de formas de ser e estar no mundo, a través da relación co propio corpo e o xénero, e das emocións, desexos e afectos.

Un mozo recibe unha chamada da súa nai. Quere coñecer á súa parella. Como explicarlle á túa avoa ou a túa nai que a túa parella non é unha parella, senón un trío?