Dunia é unha cativa de seis anos á que lle gusta moito xogar, aprender e descubrir novas historias. Vive co seu avó en Alepo, ata que un día se ve obrigada a deixar o seu país por culpa da guerra. Todos xuntos iniciarán unha grande aventura na procura dun novo fogar.
Un programa protagonizado por crianzas loitadoras, imaxinativas e esperanzadoras que representar a unión de culturas e a necesidade de acoller e respectar ao outro.
Peter von Kant é un director de cinema de éxito. Vive co seu asistente Karl, a quen lle gusta maltratar e humillar. Sidonie é a grande actriz que foi a súa musa durante moitos anos. Ela é quen lle presenta a Amir, un aposto mozo de escasos recursos. Peter namora de Amir ao momento e ofrécelle aloxamento no seu apartamento e axudarlle a entrar na industria do cine. O plan funciona, pero canto adquire sona, Amir rompe con Peter, deixándoo só para enfrontarse cos seus demos.
Julia, unha moza de 22 anos e nai de dúas crianzas, namora de Óscar, un rapaz conflitivo co que comeza unha relación. A medida que pasan tempos xuntos, Julia comezará a considerar se Óscar é a persoa que realmente precisa ao seu carón, o que a levará a iniciar unha viaxe persoal na procura da súa felicidade e a da súa familia.
Filme do gañador do Goya Jaime Rosales (Petra) coas deslumbrantes actuacións da gañadora do Goya Anna Castillo (El olivo) e Oriol Pla (serie El día de mañana).
París, distrito 13, barrio de Lles Olympiades. Émilie coñece a Camille, que sente atraído por Nora, que, a vez, crúzase no camiño de Amber. Tres mozas e un mozo. Son amigos, ás veces amantes e, a miúdo, as dúas cousas.
Ver unha película de Todd Solondz significa mergullarse nun submundo de personaxes sombríos: inadaptados misántropos, parias sociais e losers de extrarradio. Os seus repartos conteñen –desde o seu debut Welcome to the dollhouse (1995) ata hasta Wiener-dog (2018) pasando polo máis sórdido, que é o reunido en Happiness (1998)–, un elenco lexendario de actrices e actores como Philip Seymour Hoffman, Danny DeVito, John Goodman ou Heather Matarazzo que se pasearon polos seus filmes ó longgo de un New Jersey baldío, unha especie de suburbio sen fin que non coñece a esperanza.
The Floating World
Ryuki naceu nunha familia rica, pero hai dous anos perdeuno todo. Coma moita xente que non ten onde ir, acaba nun barrio vermello de Tokio. Empeza a traballar nunha casa de citas onde mulleres, principalmente prostitutas, veñen procurar un novo mozo. Convértese rapidamente no candidato número un, mais agarda que o segredo que lle fixo perder todo non estrague isto.
Calor infinito
Ciudad de la Selva é a crónica cinematográfica da última fronte de batalla da Guerra Civil española a mediados dos anos 40. A historia deste grupo de refuxiados (fuxidos) que tratan de sobrevivir coa esperanza de que, ao final da Segunda Guerra Mundial, os exércitos aliados interveñan tamén en territorio español.
A rapariga traballa nunha fábrica téxtil. A rapariga, educada nun orfanato, busca desesperadamente aos seus pais. A rapariga atopa a súa nai nunha pequena aldea e esta pídelle que agoche a súa identidade ante a súa nova familia. A rapariga séntese terriblemente soa, inicia curtas relacións con homes que non a enchen. A rapariga decide axudar a un home que parece saber algo sobre a morte de seu pai, mais acaso lle está a contar a verdade?
Jacinto é un rapaz de nove anos encerrado no corpo dun home de preto de cincuenta. Vive cos seus anciáns pais en Mallou, unha vila en ruínas no medo dos montes de Lugo. Son os tres únicos habitantes que quedan. Jacinto fabricou un mundo de fantasía no que é o rei absoluto, pero todo muda coa chegada dunha parella de veciñas: Alex e Ana, dúas escuras artistas black metaleras chegadas da Suecia na procura dun lugar tranquilo no que gravar un novo disco da súa banda "Tardigrades".
En los Márgenes é un filme sobre a familia, o amor e a solidariedade. A conta atrás de tres personaxes con tres historias entrelazadas que tratan de sobrevivir a 24 horas claves que poden cambiar para sempre o curso das súas vidas. O filme explora o efecto que unha situación de estrés económico ten sobre as relacións persoais e como o afecto e a solidariedade poden ser un motor para saír adiante. Unha emocionante viaxe a contrarreloxo nas marxes dunha gran cidade.
