Palestina, ano 1948. Farha, unha nena de 14 anos, soña con ir á escola e deixar a dura vida no campo. Os seus soños acaban voando polo aire cando un día de maio as forzas de ocupación israelís invaden o seu pobo e rodean a súa casa.
Fawzi e Mahmound son dous amigos sirios que viven en Zaatari, un campo de refuxiados en Xordania. Os dous mozos, que soñan con converterse en futbolistas profesionais, ven como o seu futuro pode cambiar cando unha academia de fútbol chega a Zaatari coa intención de fichar novos xogadores.
Verán de 1982, o ano que cambiou o Líbano. Nos arredores da capital, Beirut, a vida permanece tensamente tranquila mentres se escoitan explosións e disparos. Con esa escena bélica de fondo, Wissam, un neno de 11 anos, busca unha oportunidade para confesarlle o seu amor a unha compañeira de clase.
A raíz da negociación do convenio da Bazán Ferrol, miles de traballadores do estaleiro saen en manifestación o 10 de marzo de 1972 á mañá polo centro da cidade. En plena ditadura, a Policía Armada tenta interceptar a marcha, e ante a resistencia dos obreiros dispara sobre a manifestación, co resultado de ducias de feridos de bala e dous traballadores mortos: Daniel Niebla e Amador Rey. O filme aborda todo o proceso de penetración das comisións obreiras e do partido comunista dentro do estaleiro Bazán, as tensións na negociación do convenio, os acontecementos dos días 9 e 10 de marzo.
Testemuño de Consolo Rodríguez "Chelo", combatente galega da guerrilla antifranquista dos anos corenta e principios dos cincuenta. Esta militante representa a resistencia feminina ao franquismo e a participación de campesiños republicanos na loita armada contra a ditadura.
Rebecca é unha gran reporteira de guerra. Tras un grave accidente, o seu marido e fillos danlle un ultimato; ou eles ou o seu traballo.
Juli ten un traballo nunha fábrica de ladrillos, mais estuda a distancia para mellorar a súa posición. O seu xefe namora dela e comezan unha relación moi apaixonada. Ela oculta o feito de que ten un fillo froito dunha relación extramarital. Cando o seu amante, habitualmente violento e posesivo, o descubre, todo salta polos aires. Embarazada do seu segundo fillo, Juli debe decidir que facer.
O exército osiño adoutrina a novos recrutas para a guerra que libran contra os unicornios e ameaza a seguridade do pobo osiño. Os irmáns Azulín e Gordi, xunto a un inexperto grupo de recrutas, serán enviados a unha perigosa misión para salvar o Bosque Máxico. Estarán os osiños preparados para iso?
Vicky ten un don máxico: pode reproducir calquera aroma que lle guste e recollelos en frascos coidadosamente etiquetados. Capturou en segredo o ulido de Joanne, súa nai, e cando súa tía Julie aparece na súa vida, Vicky reproduce o seu olor. Así será quen de transportase a recordos escuros do seu pobo, a súa familia e a súa propia existencia.
Ramón e Céline son unha parella nova que se atopa no local Bataclan de París a noite do 13 de novembro de 2015. Durante o asalto terrorista, ambos logran, cada un polo seu lado, entrar no camerino dos músicos e refuxiarse alí. Ao saír xa non son os mesmos. E non saben se poderán selo de novo... Adaptación cinematográfica baseada no libro 'Paz, amor y Death metal', de Ramón González, supervivente do atentado terrorista na sala de concertos Bataclan de París.
