Umberto Domenico Ferrari é un xubilado que intenta sobrevivir coa súa miserable pensión. Sumido na pobreza, a dona da fonda na que vive maltrátao porque non consegue reunir o diñeiro necesario para pagar o aluguer da súa habitación. Os únicos amigos que ten neste mundo son unha criada e o seu can Flike.
Gabi simplemente quere ser Gabi. Un desexo que parece sinxelo, pero que non o é. Gabi séntese diferente. Aínda que nos seus 8 anos de vida, dicir as cousas claras nunca lle supuxo ningún problema. Pero cando a familia se traslada a unha pequena vila e chega á puberdade, as cousas empezan a cambiar.
Clarisse marcha da casa e deixa alí o seu marido Marc e os nenos. Despois da súa fuxida, a vida continúa: o seu marido prepara agora os almorzos, a súa filla Lucie dedícase en corpo e alma ás súas leccións de piano e Paul, o fillo menor, non deixa de facerse preguntas. Mentres tanto, Clarisse afástase cara o mar, en coche, e imaxina os nenos medrar e Marc envellecer sen ela. Pero é realmente unha fuxida cara diante? Tal vez Clarisse só quere empezar de novo, inventar un novo final.
PROXECCIÓN SEGUIDA DE COLOQUIO DO DOCUMENTARIO “CIRCO DE ARTESÁNS: O ATENEO DE GALICIA” EN OLEIROS
(A HISTORIA DA CIDADE DA CORUÑA EN OLEIROS)
LUGAR: Centro Cultural A Fábrica (Rúa do Inglés, 13 - PERILLO)
ORGANIZA: Concello de Oleiros
RESEÑA:
A través da proxección do documentario en Oleiros quérese, non só comezar a dar a coñecer a historia do Circo de Artesáns, senón tamén a da propia cidade da Coruña. Ambas as dúas estiveron estreitamente unidas ao longo dos tres últimos séculos.
A longametraxe recolle numerosos testemuños de milagres e conversións acontecidos durante a romaría 'Nai Ven', que tivo lugar entre o 1 de maio e o 12 de outubro de 2021. A iniciativa partiu dun grupo de laicos e contou co apoio das dioceses, contando con a implicación directa de varios bispos, algúns dos cales aparecen na película. A imaxe de María Inmaculada voou de Éfeso a Zaragoza, e percorreu un total de 10.800 quilómetros. Partiu o 1 de maio do Pilar para Santiago de Compostela, onde chegou nas festas do Apóstolo o 25 de xullo.
O 16 de novembro celébrase o Día Internacional do Patrimonio Mundial, para protexer e preservar todos os sitios naturais e culturais do mundo.
Con este motivo o Museo do Viño de Galicia amósanos unha peza conservada no museo pertencente á nosa cultura tradicional. Trátase dunha prensa de viño tostado, caractrística da zona do Ribeiro. Para falarnos deste curioso obxecto o persoal do museo elaborou un vídeo que podedes ver aquí:
Tolyatti, antigo símbolo do orgullo socialista, é hoxe o Detroit ruso. É neste contexto de desolación que xorde o "Boyevaya Klassika", un movemento de adolescentes que rescata os antigos coches da fábrica local para convertelos nun medio de diversión, de rebeldía e de expresión cara a esperanza, dándolle unha segunda oportunidade a esta icona do esplendor nacional que nunca viviron.Seguimos a Slava, Misha e Lera no ano no que teñen que enfrontarse por vez primeira á idade adulta nun lugar onde semella non haber futuro.
Carla ten 14 anos e é unha moza desafiante e rebelde. Vive nun vello restaurante de estrada nos arredores dunha vila coa súa moza nai solteira mentres falta a clase e pasa as horas co seu amigo Efraín. Cando a asistenta social se decata de que está embarazada de cinco meses, Carla ingresa en La Maternal, un centro para nais menores de idade onde comparte o seu día a día con outras mozas como ela. Xuntas cos seus bebés, enfrontaranse a este novo mundo de adultos para o que non lles deu tempo a prepararse.
Ecoloxistas en Acción presenta o documental “Alegría” para conmemorar o vixésimo aniversario do desastre ecolóxico provocado polo afundimento do petroleiro Prestige.
O documental, producido pola organización ecoloxista e dirixido por Luís Otero, sinala as causas que desencadearon a maior marea negra da costa galega e lembra que, ante a inacción do goberno, foi a marea branca de solidariedade a que se enfrontou ao “chapapote”.
Setembro do 2021. Un grupo de perigosos delincuentes coreanos ten que ser trasladado nun buque de carga de Manila a Busán. Acompáñanos a bordo o capitán da policía coreana Suk-woo e outros 22 detectives experimentados, cada un con polo menos dez anos de experiencia investigando crimes violentos. Axiña, a prisión flotante abandona o porto e comeza o seu camiño cara a Corea. Os prisioneiros están fortemente custodiados e todo está tranquilo a bordo ata que os criminais inician un motín.
