Guadalupe Plata non son uns recén chegados, aínda que pola urxencia que supura a súa música pareza que foi onte cando publicaron o seu primeiro Ep homónimo, un disco que marcou unha clara directriz para a banda: traballo, militancia e unha manifesta paixón polos clásicos.
A palabra galega para ’morden’, sacada dun poema de Rosalía de Castro, serviu a Elba Fernández para bautizar o seu novo proxecto, Mordem.
Pablo Prisma y las Piámides veñen presentar Grandes felinos fantasma, un disco que soa a conto de medo con final feliz, un pasadizo a un mundo de fantasía que se convirte en po en canto se quere poñer un pe nel.
Tulip traen o seu EP homónimo estreado este mesmo ano, e nas súas filas militan figuras que no seu día pasaron por proxectos como Fantasmage, Wild Balbina, Seda, Dois ou Mvnich
Bart Davenport e a súa banda presentan Blue Motel, o seu último disco, un álbum de pop nostálxico onde volve brillar a súa alma de crooner.
Dende Estocolmo, cun bo feixe de discos editados e 15 anos de experiencia descargando o seu directo en salas e festivais de toda Europa, chegan a Vigo The baboom show presentando o seu novo disco Radio Rebelde.
Gary Johnstone presenta en concerto o seu terceiro disco Cardboard Engine, que se caracteriza polo seu rock de inspiración blues e country.
Patricia Moon presenta en concerto o seu terceiro disco Rock & Love, que sorprendeu coa metade das cancións en castelán. Nel vólvense reunir conceptos musicais diversos: do soul á música clásica, do blues ao grunge. Son duro con letras repletas de tintas persoais.
Prezo: 16€ anticipada / 19€ taquilla
Prohibida a entrada a menores de 18 anos
Christina Rosenvinge presenta Un hombre rubio, o seu décimo traballo en solitario.
A partir de Romance de la Plata, canción dedicada ao seu pai, Christina Rosenvinge adéntrase na fortaleza emocional dos homes asumindo distintas identidades: un pai, un fillo, un amante, deixando aberta a posibilidade de que por medio do uso do masculino xeral en realidade estea a falar de si mesma… ou de si mesmo?
O noso país é unha debilidade para este rockeiro curtido en mil batallas. Adam Bomb volve para descargar toda a súa enerxía sobre o escenario. O guitarrista e cantante norteamericano é incansable.
Adam Bomb é sinónimo de espectáculo. Este músico nacido en Seattle e afincado en Nova York leva o rock no sangue, dentro e fóra do escenario. Un estilo de vida levado ata as últimas consecuencias.
Wire xurdiron no epicentro dea explosión do punk —naceron en Londres en 1976—, pero mantiveron unha distancia con ese cruxido, resistíndose a ser etiquetados. Entre 1977 e 1979, cando publicaron os seus tres primeiros álbumes, non deixaron de reinventarse: primeiro, rock anfetamínico, co punk levado aos seus extremos, aínda que con ironía e abstracción; despois deixaron atrás ese minimalismo e se tornaron máis atmosféricos; co terceiro chegou a fase melódica.
