GASUS 4 é un grupo de Ourense que, en versión de guitarras, ofrece unha revisión da música española dos anos 70, 80 e 90 do pasado século, com temas de autores como Hilario Camacho, Antonio Vega, Triana, Manolo Tena, Navajita Plateá, Pablo Milanés ou Fausto, así como versións acústicas de temas para guitarra e músicas de estándares de jazz.
Los Deltonos está composto por Hendrik Roever (Guitarra e voz), Javi Arias (Batería), Pablo Zeta (Baixo) e Fernando Macaya (Guitarra e Coros).
O seu inconfundible estilo rhythm & blues, unido ás súas grandes letras, fixéronlles vender un notable número de copias.
Cheetah Chrome: unha lenda con patas, un dos guitarristas máis icónicos de todos os tempos. A mediados dos anos 70 e desde a súa cidade, Ohio, a súa guitarra axudou a construír o son do Punk Rock cos seminales Rocket From The Tombs para máis tarde dar forma xunto a Stiv Bators a unha das bandas por excelencia daquela década, os Dead Boys.
Ao longo de todos estes anos Cheetah Chrome non deixou de colaborar e saír de xira con diferentes músicos e proxectos e a súa guitarra segue afiada e cortante coma nunca.
Orixinarios de Donosti, con seis anos anos de carreira e dous álbums publicados ata a data, Correos entenderon que o rock de sonoridades alternativas hai tempo que deixou de ser pasto de culto para volverse fenómeno de masas e sen ningún complexo gravaron Seres, un disco con ganchos comerciais que non traizoa a materia gris que sempre debe ter unha boa canción.
Lady Leño formada a mediados de 2012 é a proposta musical de Bea Argüelles (voz, letras e baixo), Iago A. Golpe (guitarras) e Javier Pico (batería) caracterízase polo seu son escuro e visceral, acompañado de letras, que entre outros temas, tratan dos misterios e contradicións da natureza humana. Directo cru e contundente con reminiscencias punk e influencias do son dos 80's e 90's .
SOMAS CURE asentan as súas ideas en algo convencional; apenas unha contundente base musical, formada polos guitarristas Álvaro Longarela e Borja Iglesias, unha demoledora sección rítmica, composta por Víctor Pérez (baixo) e Darío Gómez (batería), pero o certo é que poucas veces un grupo, completado neste caso polos labores vocais e múltiples rexistros de Txema Fonz, é capaz de transformar ese esquema e cravar as súas raíces en algo tan puro como o metal para conducir esa emoción, para lograr unificar as pezas perfectas e transcender ao seu xénero musical.
Belako naceu en 2012, desde entón o seu estilo e as súas cancións cultivaron grandes éxitos: conseguiron o Premio da Música, o Premio Rolling Stone ao grupo revelación (2014) e a súa participación en festivais recibiu boas críticas por parte do público e os expertos.
Hamen, que significa "aquí" en eúscaro, con este álbum, composto de doce cancións, Belako quere que a súa música non deixe indiferente a ninguén. Para iso, teñen a enerxía, a capacidade de hipnosis, a empatía e a calidade e intuición suficiente para redondear cada tema do disco.
Bruce James é natural de Houston (Texas) e non cabe dúbida de que é un soul man. Non hai máis que escoitarlle e escoitar a súa música. Atopar o son do Sur, da igrexa, de jukejoints e o da ruta musical que vai desde Memphis ata Detroit. O soul está, é na súa voz, no seu inimitable toque no teclado, nas súas composicións e nos temas do repertorio histórico do R&B, jazz e pop que fai seus.
Banda de Jazz Rock de Santiago de Compostela integrada por Pablo Sax (Saxo), Alberto Veiga (Guitarra), Jano (Baixo) e Pablo Veiga (Batería).
Golpe Radikal nace no ano 2011 en Pobra do Caramiñal dentro do seo dunha asociación sen ánimo de lucro "Xente ás leiras". Actualmente a banda está formada por Cito (Guitarra solista), Richi rasta (Baixo), Jorge (Guitarra rítmica), Lemarck (Batería), Suby (Voz aguda) e Ritxi corsario (Voz grave)
