Pop/rock

O'Killeds é un novísimo grupo de rock de Cuenca. Un día no instituto 3 compañeiros de clase: Jota, Pablo e Javi quedaron para facer ruído en casa de Jota, alí o seu irmán Dani tiña unha batería e uníuselles.
O seu estilo musical é o rock, nos concertos mesturan temas propios con versións de rock tanto español como estranxeiro. Seguen compoñendo para ter un amplo repertorio propio. Gravaron o seu primeiro disco en La casa da Música en Fuenlabrada (Madrid), con Anty Horrillo como técnico de son axudado por Daniel Ballestero e producido por Leo Jiménez.

Doberman é unha banda de rock fundada en 2011 polo baixista e cantante Paul Del Bello acompañado por Valerio "Ritchie" Mohicano na guitarra e Antuan LaCroche coa batería.
Tocando de forma continua desde o comezo, converténdose no grupo máis activo no circuíto underground italiano. Gravaron dous álbums en italiano e un en Inglés.
A mestura de Doberman lembran a AC DC, Van Halen e a primeira etapa máis punky Police, con letras en italiano.

Tras catro aclamados álbums defendendo un rock'n'roll único e cheo de audacia en xiras de duración imposible, Heartless Bastards presentan "Restless Ones", un novo traballo co que a banda impulsa o seu camiño a un lugar de estados emocionais cambiantes, con temas que van do folk ao rock clásico e unha espontaneidade desenfreada. 
A banda está formada por Erika Wennerstrom (voz e guitarra), Dave Colvin (percusións), Jesse Ebaugh (baixo) e Mark Nathan (guitarra).

My Flight, así se titula o primeiro traballo en solitario da xove cantante e compositora suízo-galega Nastasia Zürcher, que viviu en terras compostelás durante máis de 10 anos. O seu disco composto entre Galicia e Madrid, e gravado en Baeza durante o verán de 2015, é unha coprodución artística co produtor e multiinstrumentista Pachi García.

Non é un tributo máis a Queen, é o tributo "made in Galicia". Desde Ferrol unha banda pioneira, sen dúbida a máis veterana homenaxeando a Queen en Galicia. Despregan todo o seu talento sen necesidade de alardes nin disfraces imposibles, bástalles coa súa música.
A banda nada no entroido de 2001 está formada por Manu (voz e bailes), Tomás (guitarra), Fran (guitarra), Toño (baixo e coros), Diego (teclado e coros) e Marcos (batería).

SCORPION CHILD atópase virando con motivo do lanzamento do seu próximo disco de estudo. Veñen acompañados de CROBOT con quen leva compartindo estrada, amizade e selo discográfico desde hai anos. Concerto con dúas das mellores bandas de Rock&70s con toques de groovie-rock e hard-rock xurdidas no novo milenio.

Dreams of Dolly sheep fórmase en 2004, con inluencias dos 90 navegan entre o post-rock e a psicodelia, correndo entre tormentosas distorsións, rock no seu máis amplo significado.
A banda está formada por Alberto Cordeiro (batería), Miguel Varela (baixo) David Rodríguez (guitarra), Juan Piñeiro(teclado) e Candi Sanjuan (voz e guitarra).

Abstract Artimus é un músico e compositor, procedente do sur máis profundo de Norteamérica, que reside na cidade de Nova York desde fai máis dunha década.
Xa desde o berce nutriuse do rock and roll máis puro e salvaxe grazas ao seu pai, que era batería na banda de Jimmie Van Zant (Lynyrd Skynyrd).
En 2006 o músico creou o seu alter ego como one-man-band: Abstract Artimus. Rodeándose ocasionalmente doutros músicos, Abstract Artimus non parou de virar e gravar discos desde entón. 

Juan Gómez Canca máis coñecido como El Kanka naceu en Málaga hai 32 anos. Na cidade do sur foi cando El Kanka, empezou a coquetear co mundo da música, sen antes facer un intento para estudar Económicas e Filosofía. Máis tarde empezou os seus estudos no conservatorio de Málaga onde perfeccionou a súa técnica innata para tocar a guitarra.

The Drowning Bride é o novo proxecto de Ana Figueiras (The Unplayable Sofa Guitar) e João Sousa (Muri Muri). Agora, xuntos revisan a tradición das "Murder Ballads" e do folk americano e danlle a súa interpretación. O multi instrumentismo de João Sousa (clarinete, metalofono, voz, caixón e outras percusións, cigar box guitar,…) acompaña cada tema con sonoridades diferentes á guitarra e voz de Ana Figueiras, vai tras o ambiente intimista e especial que procuran conseguir.