Tales of Monkeys cun estilo influenciado por grandes da música como Bob Dylan, ou máis actuais como Mumford and Sons, Imaxine Dragons ou La M.O.D.A, está integrado por seis membros: Daniel Pousada (guitarra, banjo e voz), Martín Martínez (voz e harmónica), Álex Dios (guitarra e harmónica), María Martínez (chelo e mandolina), Luís Martínez (percusión) e Alberto Pastoriza (baixo).
Grupo de Rock & Roll ao máis puro estilo, que mestura unha música tan seria, cunha posta en escena e un repertorio nunha marcada clave de humor.
A banda fórmase alá polo 2000 co único obxectivo de, subidos nun camión, pasar un intre agradable en Entroidos e sobre todo celebrar as grandezas dalgún partido do Depor, rocanroleando nun bo número de lugares da cidade e arrabaldes, e mesmo tocando co camión en marcha.
King Pug, un dúo de Indie-Blues-Rock, foi creado polo hiperactivo Dave Wilkinson (guitarrista, cantante, produtor e compositor) para dar saída a cancións inéditas que non tiñan cabida nas súas outras encarnacións musicais.
On Fire fai un repaso a parte das cancións que marcaron un fito na historia da música rock e na evolución do son da guitarra eléctrica como o entendemos hoxe en día. A homenaxe á obra dunha icona da música popular do século XX por parte dun trío de rock con anos de experiencia, representando a súa visión do legado musical de Hendrix, máis aló da personaxe.
On Fire son César Yáñez (tambores), Jenel Vérez (baixo e coros) e Carlos Moreno (guitarra e voz), tres históricos procedentes doutras bandas pontesas como Dr Funkestein ou Super F.
THE HELLBUCKERS, grupo de Rock & Soul de alta octanaxe, nace da unión de Carla de Figueredo e Los Eternos, así a banda está formada por Carla de Figueredo (voz), Chewis (guitarra), Cudi (baixo) e Marcos (batería).
Carla de Figueredo é unha das voces máis interesantes que aparecen na escena coruñesa dentro do mundo da "música negra", especializada en jazz, blues ou soul.
Los Eternos, son concibidos no 2003. Los Eternos son un dos máximos expoñentes a nivel nacional á hora de fusionar o country máis puro e o rock & roll.
Banda de Hard Rock español, cun son duro, ochenteiro, moi persoal e temas con moita forza e á vez melódicos.
En 2011 Óscar J. López e Israel Hernansáiz, guitarra e voz de BASNAKE (Tributo a Whitesnake ) únense para crear o proxecto de hard rock 7 ALMAS. Tras ano e medio compoñendo e con case todos os temas xa definidos, deciden buscar as demais pezas para a banda.
Quedando a banda formada por Israel Hernansáiz (voz), Óscar J.López (guitarras), Óscar Salgas "Cherokee" (baixo), Carlos Moura (teclados) e Óscar Pérez (batería).
The Freeway Revival son unha mestura de rock clásico, blues, country e soul incorporan letras que son unha expresión da vida na estrada. Harmonías de bo gusto na guitarra, interesantes harmonías vocais, e unha variedade de melodias de piano e órgano proporcionan un produto que todo o abarca, un son familiar.
A banda está formada por Adam Clayton (voz solista, piano, órgano Hammond e guitarra), Jonathan Clayton (guitarras e coros), Joey Lee (guitarras, mandolina e coros), Keith Harry (baixo) e Mike McCue (percusións).
Banda de punk-rock nada en Blimea no 1986. A banda está formada por Patuco (guitarra e voz), Luisoul (baixo) e Yoni Alonso (batería).
Presentando o seu último disco Turismo al borde del abismo, grabado por La Casa del Misterio Producciones e producido por Jorge dos Ilegales.
A banda saída de Cerceda segue aí, firme na súa proposta e non vai ser ela quen faga concesións por confluír cunha audiencia maior.
Con máis de 25 anos e este décimo álbum, xa non se agardan sorpresas dunha banda coma Zënzar. Cuns parámetros estilísticos enganchados ao rock combativo (clásico, heavy, punk,... e desta vez con pingas puntuais de ska ou reggae) e co salto que deran con “Sigue ... e dálle” (2006), o que cómpre agardar non son sorpresas senón que entreguen cancións máis ou menos celebrables.
Samuel Leví comeza na música de forma autónoma e independente en 1997 deixando claras as súas influencias, como Pedro Guerra, Silvio Rodríguez ou Luís Eduardo Aute,...
Durante o ano 2010 encérrase a gravar o que será o seu segundo disco; Y tu más!, no que colaborarán baixo o psudónimo dos nenos perdidos un bo número de músicos e artistas amigos seus. Unha longa duración que recolle case 80 minutos de música e no que se inclúen as composicións que realizou nos seis anos que pasaron desde a súa anterior obra, e que demostran a madurez e riqueza do aprendido nese tempo.
