Pop/rock

Hide&Seek é un grupo de música do Val Miñor cun estilo que abarca, entre outros; o country, o blues ou o rock. Interpreta versións e temas propios.

The Rockblasters é un grupo ourensán formado por cinco músicos que desfrutan tocando versións de cancións moi coñecidas de grupos lexendarios. Teñen un amplo e variado repertorio que vai dende o rock máis duro ao máis suaves, con tres voces cantantes.

Mr. Wilfred naceu no interior de 5 rapaces cando apenas sabían o que é unha guitarra, un baixo ou unha batería, nace para cubrir a súa necesidade de vivir a música na súa máxima descarga de adrenalina e de emocións fortes a través da súa paixón, o Rock & Roll.
O proxecto nace en Rivas Vaciamadrid (2009) cando, despois de varios anos en diferentes grupos, conseguen xuntarse nunha sala de ensaio por primeira vez, e desde entón, non fixeron máis que ensaiar para levar a súa música aos case 100 escenarios polos que pasaron.

Avecrem é un dúo formado por David Soprano (batería) e Juanjo Gómez (guitarra). Ambos coñecéronse en Barcelona fai máis de dez anos, aínda que son nados e residentes en Piñor (Ourense) e no Hospitalet de Llobregat respectivamente.
A improvisación é o seu camiño para a composición. Non confían moito nos ensaios e gravar un disco é simplemente un pretexto para inmortalizar os temas creados. A idea baixo a que nacen e prevalecen a súa amizade e a súa música é só unha, grande e libre: Partirse a caixa.
En 2015 chega o seu primeiro LP: "Una Chicha Loca" (Repetidor / Porno, 2015).

Vozzyow nace en Santiago D.C. das cinzas de Vicky Polard. En outubro do 2014 tras a repentina separación da banda, Xulián Sambade (baixo), Carlos Gómez (guitarra) e Fiz García (batería) deciden que necesitan seguir tocando, por necesidade e por lecer, polo que deciden montar un novo proxecto.
En setembro presentan o disco en directo, destacando o seu intenso concerto no festival WOSINC 2015 en Santiago de Compostela.

Trio de versións pop e outros estilos.
Terapia de Grupo son:
Adrian Vicente (guitarra, violín e voz).
Jairo Villar (teclados e voz).
Anxo Morais (percusión).

Mr. Magoo é unha banda nada en Pontevedra no 2004 que fai, segundo as súas propias palabras "rock e power-pop con raíces na música dos 60's e 70's. Toman o seu nome, segundo eles, "en recordo do eminente proctólogo holandés Frederick Wertham Magoo, doutorado polo ilustre Colexio Universitario de Ámsterdam, e recoñecido na súa especialidade por innumerables entidades académicas Mr. Magoo ao longo e ancho do mundo". Aínda que pode soar máis á maioría dos mortais o debuxo animado.

Mr. Magoo está formada por Bardelino Magoo, Koldo Magoo, Luís Magoo e Rafa Magoo.

Grupo ourensán que se dedica a facer versións de temas do rock dos 60's e 70's.

A formación está composta por Natalia Silva (voz), Mateo Carrera (guitarra), Álvaro Goyanes (guitarra), Fernando Varela (baixo) e Roberto Castro (percusións).

O'Killeds é un novísimo grupo de rock de Cuenca. Un día no instituto 3 compañeiros de clase: Jota, Pablo e Javi quedaron para facer ruído en casa de Jota, alí o seu irmán Dani tiña unha batería e uníuselles.
O seu estilo musical é o rock, nos concertos mesturan temas propios con versións de rock tanto español como estranxeiro. Seguen compoñendo para ter un amplo repertorio propio. Gravaron o seu primeiro disco en La casa da Música en Fuenlabrada (Madrid), con Anty Horrillo como técnico de son axudado por Daniel Ballestero e producido por Leo Jiménez.

Doberman é unha banda de rock fundada en 2011 polo baixista e cantante Paul Del Bello acompañado por Valerio "Ritchie" Mohicano na guitarra e Antuan LaCroche coa batería.
Tocando de forma continua desde o comezo, converténdose no grupo máis activo no circuíto underground italiano. Gravaron dous álbums en italiano e un en Inglés.
A mestura de Doberman lembran a AC DC, Van Halen e a primeira etapa máis punky Police, con letras en italiano.