Banda de rock australiana nada en Sidney no 2010, da man de Simon Melly e Tony Kvesic, coma un proxecto de coescritura de cancións. Presentan o seu terceiro traballo "Black in to the Blue" que se atopa nun punto intermedio entre o primeiro maís acústico e o segundo moi eléctrico.
The Widowbirds está formada por Simon Melli (voz e guitarra), Tony Kvesic (guitarra), Bobby Poulton (baixo), Robbie Wolf (teclados) e Shane O'Neill (batería)
Booty Sweat nace en Vigo en febreiro de 2012 como proxecto para canalizar o lado máis negro e bluseiro de varios experimentados músicos: Manuel Ares (batería), Pedro Murciego (guitarra e voz) e Andrés E Punto (guitarra e voz). Rapidamente incorporan ao baixista Brian Axer Moure completándose a primeira formación estable da banda. Alcanzan o clímax e o momento de mellor forma nun directo celebrado na Iguana Club o 15 de Outubro de 2013 que foi gravado en directo. Este concerto serve ademais de concerto de despedida para o baixista Brian Moure, no seu lugar incorpórase Jorge Arenaz.
Rachel And The Blue Batons nacen en 2011 e dedícanse a facer versións de música dos anos 60 e 70 pasando polo rock, blues, rockabilly, soul e alternadas con temas propios.
O grupo está formado por Rachel (voz), Miguel (baixo), Pedro e Javi (guitarras e coros), Quique (saxo) e Chema (batería).
Nada en Johannesburdo, Sudafrica, Dilana Smith soubo que amaba a música desde a idade de dous anos cando tivo a oportunidade de participar nos coros tanto da súa escola como da igrexa.
Á idade de 16 anos decidiu ir en busca do seu soño, cousa que non tardou en chegar, xa que en Holanda comezou unha prometedora carreira musical, en México participou no programa "Rock Star Supernova".
XeRock é un proxecto promovido e coordinado dende o Centro San Xerome Emiliani de A Guarda. A misión do Centro San Xerome é facilitar ás persoas con discapacidade intelectual e ás súas familias apoios e servizos profesionalizados para mellorar a súa calidade de vida, intervindo no ámbito persoal, educativo, familiar, laboral e social.
Fundado en 2012 en Betanzos sobre os alicerces de Metelasacala, nace unha nova formación coas mesmas ganas de atronar. Rock en español, potente e sen concesións.
A banda está composta por Alejandro Navarro (batería), Julio César Vidal (baixo), Manolito Buyo (voz e guitarra) e Dani Freire (guitarra e voz).
StrikeBack nace na Coruña por mor de que o fundador da banda, Rafa, rebentando pola escaseza de bandas de bo thrash metal en Galicia, se puxese a recrutar a metalheads conseguindo así a primeira formación: Pili (baixo), Sebas (Batería), Aleks (Guitarra Rítmica) e Rafa (Guitarra solista)
E-FORCE formouse en Montreal no 2001 polo vocalista e baixista Eric Forrest logo da súa saída da lendaria banda canadiana de Cyber Thrash, Voivod. O músico participou nos discos de estudo Negatron e Phobos e na compilaci´n Kronic.
E-FORCE sacou 4 álbumes e conseguen un son orixinal cun thrash metal de alta gama grazas á voz tan peculiar de Eric Forrest. Están presentando o seu último traballo, Demonikhol. Tamén interpretan nos seus concertos algúns temas de Voivod.
Tregua xorde a principios de 2008 na Coruña. Os seus membros son Mario García "Petru" (guitarras e voz), Rubén Rodriguez (teclados e coros), Adrián Torreira (guitarras), Miguel Vieites (batería), Iván Augado (guitarra) e David Ruiz (baixo e coros).
Inicia a súa andaina coa gravación dunha maqueta titulada "Nunca es tarde", publicada en marzo de 2009, un álbum de rock con letras moi coidadas e un talento compositivo que deixa tamén lugar á balada onde inclúen unha versión da canción de Rosendo "Para Cuando Desatino".
A voz de Miña terra galega, Bailaré sobre tu tumba, Soy un Punk, Assumpta, No me beses en los labios, e un longo etc., forman parte do seu extenso repertorio. Subido nos escenarios desde 1977. Foi membro fundador de míticos grupos como Siniestro Total, Aerolíneas Federales ou Los Feliz e compositor de grande parte ou da totalidade dos seus repertorios. Ten compartido escenario con artistas internacionais do talle de Madonna, Beck, Neil Young, ZZ Top, Scorpions ou Jethro Tull. Editou máis de 200 cancións e vendeu máis de medio millón de discos na súa extensa discografía.
