Silvia Penide é unha autora e intérprete de cancións moi directas que conectan co público e que empezan a ver a luz no seu primeiro LP "Quilómetros" (2002), seguen madurando en "Invisible" (2005) e "Desafinante Crónica" (2007) que se coa en diferentes programas de Radio3 ou M80 entre outros.
O seu estilo é finalmente un pop contundente, cheo de matices e moi coidado.
A finais de 2014 foi finalista nos Premios Martín Códax da Música Galega.
Bosco Hill (voz, guitarra de 12 cordas, banjo, ukelele e mandolina) e Rubén Xuarez (voz, guitarra, banjo e mandolina).
Estas dúas míticas voces da escena viguesa uníronse en 2015 para desenvolver o proxecto Family Folks, realizan a súa viaxe musical contando historias e rendendo tributo aos mestres da boa música. Mesturan dose de rock, blues e soul tabernero baixo a bandeira do folk.
Banda ourensana de rock fundada no 2015. A banda está formada por Erica Domínguez (voz), Andrés Calles (baixo), Lois Blanco (guitarra), Israel Salgado (guitarra) e Dani Campos (batería).
Neste grupo conxúgase a veteranía do guitarrista, Israel, un incombustible da escena ourensá, coa xuventude doutros membros na busca dun fin común adicarse ao rock ou hard rock con potentes riffts de guitarra e coa destacable voz da súa cantante Erika
Pölisong nace no ano 2011 en Ferrol tras o encontro en locais de ensaio da cidade de catro apaixonados do rock and roll. Nun principio, versioneando aos clásicos do rock dos anos 70's. Pero as ganas de dar forma a un repertorio propio fan que o grupo se centre na creación de novas cancións.
Influenciados por lendas como Led Zeppelin, AC/DC ou Bad Company, e outras bandas máis recentes como Hellacopters ou TheAnswer elaboran un amplo repertorio de cancións intensas e contundentes.
Joao Tomba era unha estrela do rock cando en 1959 morreu nunha estúpida carreira de coches fronte ás dunas de Samil. Pero hoxe, resucitou.
Joao Tomba é o nome tras o cal Israel Ruiz (Indy Tumbita), membro de bandas como Pedrito Diablo & Los Cadáveras, Los Profesionales, Los Villanos de Boraville ou Thee Tumbitas, se esconde para levar a cabo o seu proxecto máis orixinal e vándalo.
You dog!! é unha banda de Vigo que se move no rock alternativo formada en 2009, interpretando un amplo espectro de sons dentro deste xénero.
Un rock orgánico, cru e poderoso que forxaron desde os seus inicios a través dos innumerables directos.
En maio de 2014 afrontan a gravación do seu primeiro traballo homónimo. Traballo autoeditado que se fixo posible grazas a unha campaña de crowdfunding.
A banda está formada por Miguel "Zape" (baixo), Bruno (guitarra), Xane (percusión) e Juan "Neno" (voz).
Minor Empires é un grupo formado polos músicos Javier Seisdedos, Juan Blas, Reto Ramírez e Fernando Moreira. Na súa xira de presentación do seu último traballo, United States of Emergency.
Hai 45 anos o lendario Led Zeppelin lanzou o que moitas persoas cren que é o seu mellor traballo, sen título o seu cuarto álbum. Polo xeral, simplemente chamado Led Zeppelin IV.
Este álbum seminal cambiou a cara da música rock para sempre, poñendo o listón cada vez máis alto. Volveron escribir o libro das regras do rock, Led Zeppelin IV contou con oito cancións de rock clásico entre as que están "Black Dog ", "Rock and Roll" e a canción que a maioría da xente recoñece "Starway to Heaven".
Músico, compositor e obreiro dos escenarios desde 1999. En solitario e tamén como cantante e guitarrista dos Claretes e anteriormente con Capitan Morgan e Poker de Ases.
Presentando o seu disco en solitario Princesas e poetas, gravación na que contou con múltiples colaboracións de compañeiros e amigos.
Con base en Dresden, Alemaña e formados en 2011, THE ROARING 420's son a combinación perfecta de Surf Rock, Garage, pre-Punk de finais dos 60's e Psicodelia da Costa Oeste. No seu son apreciamos guitarras twang, grooves de órgano e ata un sitar eléctrico que lles proporciona un punto exótico. As súas influencias abarcan de Beach Boys a Velvet Underground e en directo son capaces de transporter á súa audiencia a calquera Garage da California de mediados dos 60's.
