Formigón é un grupete de rock que nace parte de Hemacaos e parte de Ferralla, xa que dous dos membros veñen desta formación e o outro se dedica a amasar cousas.
Nacen co obxectivo é ir a locais e festivais, a salas e pubs, a antros e festas, e poder ir tocando de cando en vez.
No ano 2007 nace Desalojo tal e como se coñece hoxe en día. Anteriormente, a banda orixinaria da Pobra do Caramiñal, pasaran por varias formacións dedicadas exclusivamente ao tributo doutros artistas. É coa entrada no grupo de Antón Pérez "Piru", Diego Santiago "Jito" e Daniel Barral "Randy", unidos aos fundadores da banda Diego Rey e Anxo Ramallo cando chega a composición propia. Froito desa unión pronto xorden varias creacións cun definido estilo propio, que combina a crueza do rock duro cunha mensaxe máis íntima.
Thee Blind Crows xorde do cruzamento de camiños entre o blues e o punk. Un son cru e frenético que fai vibrar ata a extenuación.
Thee Blind Crows son un duo pontevedrés de garage/blues/punk influenciados por bandas como The Black Keys, Flat Duo Jets, Cramps, Jon Spencer Blues Explosion, R.L Burnside,...
Peter Pan Speedrock é unha banda de rock and roll de Eindhoven (Holanda). Fundada en 1997 polo guitarrista Peter van Elderen, ao que se uniron o batería Bart Nederhand e o baixista Bob Muileboom para gravar o que seria o seu 1.er Lp "Peter Pan".
Despois dese álbum Muileboom foi remplazado por Bart Geevers, que quedaría na banda como membro permanente.
Whole Lotta Band é unha banda tributo a Led Zeppelin que xorde en Mallorca a principios de 2011.
A unión de catro músicos consagrados na illa e a súa paixón e respecto cara aos catro ingleses que cambiaron a historia do rock nos 70's. Guitarras de dobre mastro, baterías vistalite, teclados, unha voz prodixiosa, theremín, etc son os elementos de calquera dos seus concertos.
A banda está formada por Juanjo Jones (Juanjo Amengual), Titi Bonham (José Palomino Titi), Patricio Plant (Patricio Assef) e Dani Page (Dani Magaña).
Ciclonautas nace en Pamplona en 2013 como banda de rock fronteirizo, de son stoner, matizado por aires máis melódicos e sureños. Todo mesturado con resaibo a rock urbano español e arxentino.
A banda está formada por Mai Medina (guitarra e voz), Alen Ayerdi (batería e percusión) e Javiertxo Pintor (baixo)
Cró! nace no 2007 na cidade de Vigo, son unha banda de rock instrumental, cancións e improvisación.
No 2013 gañan o Villa de Bilbao na categoría de rock e no 2014 son premiados como Mellor Grupo de rock nos premios da Asociación de Músicos ao Vivo.
A banda está formada por Cibrán Rey (batería e coros), David Santos (baixo e coros), Rubén Abad (guitarra e voz) e Xabier Núñez (teclados e voz).
Desde 2007 levan gravados 4 traballos todos eles autoeditados. Actualmente están xirando presentado o último que autoeditaron, Pera.
O grupo de Barcelona nado en 2001 tras a disolución dos Fresones Rebeldes segue mantendo intacta a súa frescura, o seu espírito adolescente e a súa sensibilidade pop.
A formación actual do grupo son Alicia (voz principal, guitarra eléctrica), Felipe (líder, guitarra eléctrica 6+12), Toni (batería), Manel (teclados), Ruth (segunda voz, multiinstrumentista de apoio), Dani (baixo) e Matt (guitarra eléctrica).
Doctor Buenas Gracias nace, como o seu propio nome indica, con vocación sanadora en 2009 como unha banda tributo a Dr.Feelgood.
Pero o certo é que aínda que poden exporse aos concertos desa guisa, decididen darlle renda solta aos seus instintos e tomar a senda que se propón desde as súas propias entrañas, empezando a mostrar material propio despois de cumprir o seu sexto ano en acción.
En 2003, 3 rapaces valisoletanos iniciados en ruidosas bandas underground unían o seu destino a unhas guitarras acústicas e emprendían a tarefa de introducir no indie nacional as súas estoicas visións "americanas", a súa filosofía básica (menos é máis) e unha poderosa imaxe pioneira de barbudos neofolk.
