Aínda que barcelonés de nacemento (1975), este autodidacta da guitarra comezou a súa carreira musical sendo un adolescente, no barrio da Alameda de Osuna, onde crecera, xa que desde ben pequeno os seus pais instaláronse en Madrid.
Carlos Vudú (Carlos Martínez) forxouse como músico en infinidade de bandas durante os últimos anos, como guitarrista de rock e blues. A mediados do ano 2007, cansado de ver como todos os proxectos nos que militaba non chegaban a bo porto, decide que é o momento de "saír pola tangente". Cunha guitarra acústica e acompañado polo armonicista Javier Maillo, comeza a interpretar unha man de temas propios de corte moito máis intimista pero sen perder certa esencia rockeira. Durante todo ese ano dedícanse a tocar en pequenas salas por todo o circuíto madrileño e do Levante.
Los Jackie Brown, é un Proxecto / Grupo de rock da Coruña, creado a finais do 2011 e formado por Fernando Pardiño (guitarra acústica e voces), Jaime Novoa "Kiko" (guitarra acústica e voces), Luís Fuca (baixo), e Anxo Sánchez (batería e percusión).
Banda cántabra de tributo a Creedence Clerwater Revival na que a paixón destes músicos, con notable experiencia sobre os escenarios, pola mítica banda californiana Creedence Clearwater Revival, levounos a crear o tributo máis fiel que podemos atopar no noso país. As críticas de todos aqueles que puideron gozar dalgún dos seus concertos en directo, non deixa dúbidas, son o mellor tributo nacional á devandita banda.
A banda está composta por Iván Sainz(batería), Iñigo Arrieta(voz), Miguelo (baixo), David (guitarra solista e coros) e Iñaki Achega (guitarra e coros).
O trío de Vancouver formouse a finais de 2012. Úneos a súa paixón polo hard rock clásico (Cactus, Led Zeppelin, Kiss), o heavy metal (UFO, Judas Priest), o seu amor pola cervexa e a marihuana e as ganas de dinamitar a escena local canadense. Os tres son vellos coñecidos da escena local de Vancouver pero con La Chinga rapidamente chamaron a atención máis aló das súas fronteiras. En 2013 lanzaron o seu disco de debut autoproducido.
Santos Morcegos é unha banda de rock and roll instrumental guardesa, o seu son Surf Western co que evocan un sol abrasador, po e tipos moi duros. En 2015 autoeditan o seu cuarto disco, un EP con catro cortes titulado Corre, Canceliñas, Corre no que contaron para as ilustracións co afamado ilustrador Jano.
A banda está formada por Jairo (baixo), Álvaro (batería) e Jose e Víctor (guitarras)
Nados en 1987 das cinzas de dúas bandas de garage adolescente a mediados dos 80 (The Wylde Things e The Tyme Element). Influenciados polo punk e o rithm & blues ao estilo de The Lyrics, The Outsiders, Q'65, The Fairies, The Pretty Things, The Missing Links comezan a súa andaina mesturando escuras versións con temas propios na súa maioría compostos polo guitarrista principal, Simon Harvey, e desenvolven a partir de aí unha sobria reputación de banda de directos explosivos, agresivos e tremendamente enérxicos.
Conxunto músico vocal de pop rock que se creou no 1967 no colexio La Salle en Santiago de Compostela e que perduraron ata 1971.
No 2012, logo dun longo impass, retoman a súa afición pola música e as reunións de amigos para tocar, e a raíz dese entusiasmo renovado nace o seu primeiro disco Lo que el viento no se llevó, editado 45 anos despois da creación do grupo.
Brothers in Band son o mellor espectáculo de tributo aos Dire Straits. Comezan a súa andaina no 2008 na Coruña, 30 anos despois de que a mítica banda de Mark Knopfler gravase o seu primeiro disco.
No seu espectáculo, The very best of Dire Straits show, ofertan unha experiencia na que reviven o mellor da discografía da banda británica nun formato de 9 músicos no escenario.
Soultrack xorde como un proxecto que trata de revisar e facer un respectuoso percorrido pola música Soul da segunda metade do século XX, centrándose sobre todo nas décadas dos 60 e 70, buscando especialmente o son Motown e as versións que fixeron grande a esta discográfica; desde Steve Wonder, The Temptations pasando por Aretha Franklin ata Marvin Gaye.
A formación actual está composta polo pianista Nacho Goris, o baixista Quique Alvarado, o baterista Bruno Couceiro, o guitarrista David Gayoso, o saxofonista Rober Perol e as voces de Maria Goris e Iñaqui Rosado.
