Brothers in Band son o mellor espectáculo de tributo aos Dire Straits. Comezan a súa andaina no 2008 na Coruña, 30 anos despois de que a mítica banda de Mark Knopfler gravase o seu primeiro disco.
No seu espectáculo, The very best of Dire Straits show, ofertan unha experiencia na que reviven o mellor da discografía da banda británica nun formato de 9 músicos no escenario.
Soultrack xorde como un proxecto que trata de revisar e facer un respectuoso percorrido pola música Soul da segunda metade do século XX, centrándose sobre todo nas décadas dos 60 e 70, buscando especialmente o son Motown e as versións que fixeron grande a esta discográfica; desde Steve Wonder, The Temptations pasando por Aretha Franklin ata Marvin Gaye.
A formación actual está composta polo pianista Nacho Goris, o baixista Quique Alvarado, o baterista Bruno Couceiro, o guitarrista David Gayoso, o saxofonista Rober Perol e as voces de Maria Goris e Iñaqui Rosado.
Leather Boys son unha banda asturiana de Hard Rock formada en 2006 con influencias dos 70's, 80's e 90's seguindo o ronsel e o espírito de bandas como Mötley Crüe, Guns and Roses ou The Cult. O quinteto conta con dous discos editados, Real Leather (2011) e Back in the streets (2014), que se presenta oficialmente en Galicia por primeira vez dando o pistoletazo de saída á súa xira Back in the streets tour que os leva por todo o territorio nacional.
Formados en Phoenix no verán de 2006, desde un principio o seu son encadrouse no Garage-Rock&Roll baseado en fuzz e Farfisa. Ata o momento publicaron 5 LP's no seu propio selo, Atomic A Go Go Records, e o selo francés Bad Reputation Records encargouse de publicar os seus traballos en Europa, incluído o seu último LP, Sucker, que saíu á venda en 2014. The Love Me Nots xiraron por EE.UU. e Europa en numerosas ocasións, acompañando ou acompañados por algunhas das mellores bandas do momento: Franz Ferdinand, The Supersuckers, The Jim Jones Review, Joe Cocker, X, ou The New York Dolls,...
Fee Reega é un ser entrañablemente punk. Empeza a facer música en 2009 en Xixón. O exotismo xermano xunto coa súa estética vintage, as erres que fan tambalear cementos, expresións do populacho e as súas cancións de esencia costumbrista fixéronse oco no seo da Asturias máis independente.
Tras un puñado de EP's e un primer álbum (Salvajada) de esencia folk melancólica e visceral, no 2014 volven á carga co seu segundo disco La Raptora.
Dirty Thrills son un carismático e fascinante cuarteto de bluesrock de Londres. A banda formouse a finais de 2012 despois dunha noite de rock e alcol por milleiros nun típico pub inglés no apracible pobo de Wiltshire. O que comezou como unha sesión rock entre amigos rapidamente deu a luz a un grupo ambicioso coa unidade e determinación para devolver ao rock de novo aos seus días de gloria.
Banda británica de punk rock formada en 1978 por Del Strangefish e Peter Bywaters. Grazas ás súas letras cargadas de humor, pódense englobar no subxénero Punk Pathetique. Peter and the Test Tube Babies foron presentados por primeira vez na revista Sounds en xullo de 1980, e despois dunha sesión en John Peel Radio One, fixeron o seu debut en vinilo no álbum recompilatorio de Brighton Vaultage 78. Favoreceron as súas letras absurdas e os títulos estraños.
Knip Dyolf é unha banda ferrolá de versións de Pink Floyd formada por Carlos Mor (guitarra e voz), Bea Bros (baixo e voz), Juan Pajón (batería e voz), Aitor Alcorta (teclados).
Concerto homenaxe á discografía de PINK FLOYD e en especial aos discos Dark side of the moon e The Wall.
Look out Brother! son unha banda nada na Coruña da unión de Diego Carballo (voz), Keenan Elman (guitarra), Gabriel Dávila (baixo) e Nacho Cotelo (batería). A súa música pode encadrarse dentro do rock, o funk ou do blues.
No outono de 2015 sacan o seu disco Look Out Brother!, gravado entre abril e setembro dese mesmo ano, que consta de 10 temas todos de autoría propia e coa colaboración da voz de Marian Ledesma na gravación dun deles.
Hijosdelasal é unha banda de rock alternativo formada en Vigo (Pontevedra) no ano 2012.
Comeza a partir das inquietudes creativas e musicais de Diego Cossío (voces) e Marcos Díaz (batería) procedentes bandas como de Phisick, Esenia,...; Gerardo Pérez baixista nas bandas Kannon, A Banda de Andrelo, CeoDei, The Fishbox Band,...; e Miguel Meijido guitarrista procedente de Orfhica, Silent knight,...
