Obradoiro

"Iso é un lucecús?" "Non, é unha lanterna". "E aquilo, é un caracol?""Non, é un metro". Neste obradoiro creativo os obxectos máis cotiáns do fogar poden converterse, grazas ao poder da imaxinación, en personaxes fantásticos que vivirán fabulosas aventuras nunha fotonovela que o mesmo neno ou nena creará. Porque as cousas máis pequenas que hai ao noso redor tamén contan historias.

Nenos e nenas: de 6 a 12 anos

Duración: 90 minutos

Obradoiro de Xulio Varela para o programa de dinamización lectora Ler conta moito.

Obradoiro impartido por Regueifeiros de Galicia dirixido a todas aquelas persoas con inclinación á práctica do verso clásico rimado, da controversia dramatizada ao estilo clásico e con curiosidade por coñecer as tradicións populares do país (e tamén fóra del). Os improvisadores da asociación veñen realizando estes obradoiros en infinidade de colexios e institutos.

Dirixido a nenos e nenas de 9 a 14 anos, mocidade e adultos.

Obradoiro para Ler conta moito, da Rede de Bibliotecas de Galicia.

Cando debuxamos ollamos dun xeito diferente ao mundo que nos rodea. O debuxo pode ser moitas cousas: un entretemento, un xeito de representar a realidade da nosa contorna, un medio de coñecemento ou de expresión artística; así coma tantas outras cousas que poidamos imaxinar xa que, coma toda linguaxe, a plástica pode ser un vehículo de transmisión de coñecemento ao tempo que un fin cultural en si mesma.

No marco da exposición Da árbore á cadeira, este obradoiro  céntrase nas características da paisaxe galega e propomos un obradoiro para dar a coñecer as plantas que se dan espontaneamente no monte Gaiás, en particular aquelas que poden ser reutilizadas pola súa función ornamental.

Como traballa un poeta? Como crea un artista?

A través de dúas figuras senlleiras da cultura galega como Uxío Novoneyra e Antón Lamazares, reunidos na excepcional mostra Flor Novoneyra, os máis pequenos  e pequenas da casa vanse converter durante unha tarde en poetas e artistas.

Descrición:

Durante a Feira Franca desenvolverase un obradoiro no que as nenas e nenos poderán descubrir o mundo dos bestiarios medievais e a súa importancia na arte en pedra.

En cada quedan participarán 12 nenos de entre 7 e 12 anos. O horario do obradoiro é de 11:00 a 13:30 horas na sala taller do Sexto Edificio.

Obradoiro dirixido a maiores de 7 anos, ou menores acompañados.

A Biblioteca de Galicia, con motivo do 120 aniversario do nacemento de Eduardo Blanco Amor, organiza este obradoiro onde ler é máis que lér; é pór emocións en xogo e desenvolver habilidades lingüísticas, traballando a desinhibición e a comunicación entre o grupo.

Para iso traballarase cun texto do escritor, realizando técnicas teatrais de traballo corporal, respiración e dicción de voz, principais ferramentas de traballo para unha correcta transmisión oral en público.

Requisito indispensable: ler con fluidez

Participantes de 8 a 14 anos

Obradoiro deseñado para conmemorar o día da tradución, no cal traballaremos coa linguaxe das formas que é o idioma universal.

Repartirase entre os participantes unha historia ilustrada acompañada de textos nun idioma inventado que eles deberán traducir e contar.

Poñeremos a funcionar a imaxinación e xogaremos a traducir formas recoñecibles e outras mais complexas que os rapaces deberán interpretar e traducir mediante a axuda de recortes para así transmitirlles aos outros compañeiros a súa idea e xogando así mesmo a que os outros a interpreten. Duración: 60 minutos

Obradoiro creativo de elaboración dunha curtametraxe entre as persoas participantes, cos obxectivos da lectura de textos, a promoción da consulta nos fondos das bibliotecas e a investigación e o fomento do interese ao redor de autores e datas sinaladas no Calendario do libro e da lectura.

O obradoiro dura 360 minutos, repartidos en dúas sesións.

Nenos e nenas: 10 e 17 anos

Actividade de Ler conta moito, da Rede de Bibliotecas de Galicia.