Obradoiro orientado a poñer en valor a palabra das mulleres escritoras para pechar deste xeito un 2018 en que as Letras Galegas se dedicaron a María Victoria Moreno. Durante a sesión, iranse presentando diversas microescenas centradas en diferentes autoras, cada unha delas seguida dunha actividade de investigación e descuberta.
Dirixido tanto aos avós e ás avoas coma aos seus fillos e netos, o proxecto concíbese como un instrumento para a socialización entre novos e anciáns e fai posible o achegamento entre diferentes formas de entender a realidade social e lingüística.
Durante un par de horas, o persoal dinamizador iralles amosando aos nenos e nenas como empregar diferentes xogos de mesa cos que despois cada participante poderá continuar enredando libremente. Ao final da sesión, os asistentes elixirán un deses xoguetes para que quede no concello en que se realizou a actividade, co fin de que teñan ocasión de volver usalo no futuro.
Obradoiro dirixido á estimulación da expresión plástica en relación co texto. A través de dinámicas baseadas en técnicas do pedagogo Rodari, constrúense historias visuais a partir de elementos aleatorios; coñecemos as partes dos álbumes ilustrados; poñemos imaxes a historias enigmáticas, que teñen multitude de interpretacións; deseñamos personaxes, dende o punto de vista físico e do psicolóxico; ilustramos baixo a influencia da música, creando paisaxes sonoras; realizamos ditados ilustrados… e algunha cousiña máis.
Para 20 nenos e nenas de 6 a 12 anos na sala multiusos.
Obradoiro no que os nenos e nenas aprenderán a ser debuxantes do Nadal.
Actividade a cargo de Anias.
Das 19:00h ás 20:00h, para nenos de 8 a 11 anos
Con inscrición previa, a partir do 10 de decembro, na entrada da Biblioteca (información) ou por teléfono (886 159 250), en horario de 9 a 20:30h.
Entrada de balde.
Obradoiro no que os cativos aprenderán a modelar figuriñas e a contar historias do Nadal.
Actividade a cargo de Anias.
Das 17:30h ás 18:30h, para nen@s de 4 a 7 anos
Con inscrición previa, a partir do 10 de decembro, na entrada da Biblioteca (información) ou por teléfono (886 159 250), en horario de 9 a 20:30h.
Entrada de balde.
Obradoiro no que os personaxes están preocupados porque parece que o espírito de Nadal se perdeu. É por iso que emprenderán unha divertida aventura que lles fará percorrer desde as xeadas terras do Polo Norte ata as áridas areas do deserto.
Detrás dun espectáculo de maxia é posible descubrir moitas veces outra realidade máis sorprendente quizais, pois o que semella maxia oculta outra realidade máis sinxela: a ciencia. Isto é o que quere amosar este obradoiro no que os magos serán capaces de realizar sorprendentes trucos. Así, á vista de todos, será posible ver como a auga desaparece, como os líquidos poden cambiar de cor, como converter a auga en neve en segundos, ou como converter a auga en xeo en milisegundos.
Lugar: Sala I da Biblioteca de Galicia
Público: Familiar (rapaces e rapazas de 4 a 10 anos)
Neste obradoiro, o mago David Méndez ensinará sinxelos xogos de maxia e as técnicas máis importantes para aumentar a capacidade imaxinativa e de coordinación, para perder o medo escénico e falar en público.
Co traballo en equipo foméntase a solidariedade e coñécense as diferentes especialidades da maxia.
Dirixido a nenos e nenas de 5 a 14 anos. Máximo 20 participantes.
Requírese inscrición previa aquí.
No salón de actos da biblioteca.
Obradoiro a cargo de O faiado de Nin para conmemorar o Día da Edición (123º aniversario do nacemento de Ánxel Casal). Grandes historias en formato pequeno.
Obradoiro de elaboración de minilibros onde se traballa a escrita, a ilustración e unha maneira moi sinxela de encadernar os nosos contos.
Dirixido a nenas e nenos de 6 a 12 anos. Máximo 12 participantes.
Requírese inscrición previa aquí.
Na sala infantil da biblioteca.
