Obradoiro

A actividade ten por obxectivo dar a coñecer os ecosistemas mariños presentes nas rías galegas dun xeito adaptado e atractivo, facendo un especial esforzo en difundir e sensibilizar ao público sobre a importancia da conservación da biodiversidade.   Levaranse a cabo obradoiros nos que os asistentes poderán vivir de primeira man o traballo de investigación que se leva a cabo nos laboratorios do IIM, mediante a observación de microorganismos coas lupas. Público familiar. Entrada libre ata completar a capacidade da sala.

 In this session the kids will work with the story “The Gingerbread man” and they’ll play different roles. They’ll also create a craft, sing a song and play games in order to practice the vocabulary related to food, especially desserts. //  Esta sesión dedicarase a traballar co conto “ The  Gingerbread  man”, que os nenos e nenas  teatralizarán. Ademais, completarase cun traballo manual e realizarase unha canción e xogos co obxectivo de practicar o vocabulario relativo á alimentación, en especial ás sobremesas.  Duración: 60 minutos aprox.  A partir de catro anos. Capacidade: 20 nenos/as.

Explora, descobre e crea. Obradoiro onde os nenos e nenas poderán achegarse á ciencia dunha maneira práctica e lúdica onde realizarán experimentos e actividades do quefacer científico, nos cales deberán enfrontarse a desafíos e problemas que deben resolver aplicando métodos e pensamento teórico -práctico.  Un espazo onde aprender, divertirse e espertar vocacións no campo das ciencias naturais.  Duración: 60 minutos. A partir de catro anos. Capacidade: 35 nenos/as. Inscrición previa.

José Antonio Godoy mostra como a maxia e a ciencia se funden para mostrar o lado asombroso e divertido do coñecemento. Actividade poderosamente visual e didáctica sobre temas de química, física, matemáticas e bioloxía. Inclúe datos curiosos e sorprendentes, descubrimentos e inventos. Ademais, mostra as perspectivas e posibilidades de ser un verdadeiro científico.  Duración: 45 minutos.  A partir de catro anos. Capacidade: 35 nenos/as. Inscrición previa.

Poesía e Mar é un ciclo de obradoiros que empregan o mar como nexo común para achegarse á poesía.  

O primeiro dos obradoiros terá lugar o sábado 20 de outubro na Capitanía Marítima de Baiona e estará impartido por Marta Dacosta; o segundo terá lugar o 27 de outubro no Museo da Salgadeira no Grove e correrá a cargo de Antonio García Teijeiro; e o terceiro será o 10 de novembro no Estaleiro de Purro de Bueu e será impartido por Miriam Ferradáns. 

Durante dúas sesións, os participantes aprenderán a realizar pratos deliciosos para gozar durante as festas de Nadal.

O obxectivo do taller é facer unha figura clásica do Nadal: Un abeto- piñata con chocolate, decorado con confeti, estrelas e perlas de caramelo e por suposto coroado cunha estrela. Será un adorno moi orixinal que se presentará empaquetado para regalar a familiares e amigos.

Neste obradoiro, impartido pola Institución Galega da Ciencia, os/as participantes familiarizaranse co mundo da robótica a través da presentación, demostración e resolución de desafíos en equipos con LEGO EV3.

Imparte: Institución Galega da Ciencia (Igaciencia)

Data: sábados 17 e 24 de novembro

Horario: de 17:00 a 19:00 h

Lugar: Sala I da Biblioteca de Galicia

Público: de 11 a 15 anos

Nº de prazas: 30

Observacións: de balde, precisa inscrición no web

Os peixes son animais vertebrados que ocupan unha gran variedade de hábitats no medio acuático e, para adaptarse a estes ambientes, desenvolveron morfoloxías moi diversas. Podemos fixarnos nas súas aletas, na posición da súa boca ou no tamaño dos seus ollos para observar as distintas formas que presentan. Se temos nas nosas mans un rodaballo, unha pescada ou un cabaliño de mar, xa podemos decatarnos que existen peixes moi diferentes entre sí, pero … Por que son tan diferentes? Para que lles serve cada aleta? Por que uns teñen uns ollos tan pequenos e outros tan grandes?

Nesta actividade, que ten como fío condutor a vida de Ana Mª Vieitez, búscase por unha banda  dar a coñecer o labor desta científica galega que durante 40 anos traballou no Instituto de Investigacións Agrobiolóxicas de Galicia (CSIC), así coma a súa traxectoria que é digna de conto; o conto dunha nena que quería ser científica. Pola outra banda,  achegar o mundo das árbores e da biotecnoloxía a través dun obradoiro experimental.