Nesta exposición temporal pódese ver unha pequena mostra da evolución histórica da cartografía galega, onde non só se amosan algunhas das primeiras representacións cartográficas de Galicia, senón tamén as novas técnicas e produtos cartográficos, coma dous drons último modelo, aínda en proceso de deseño por empresas galegas.
A entrada será de balde ata o domingo 17 de xaneiro.
A programación conmemorativa do Día do Usuario/a completarase con mostras bibliográficas como a de ‘Libros e lecturas nas bibliotecas’, que se pode ver no segundo andar da biblioteca ata final deste mes.
O etnógrafo dinamarqués Gustav Henningsen percorreu na década dos 60 do pasado século varias aldeas e vilas galegas fotografando e realizando entrevistas sobre ritos de maxia e curación. En 2009 o profesor doou todo o material (máis de 150 horas de gravacións) ao Instituto da Lingua Galega da USC (ILG), que comezou un proxecto de investigación dirixido por Xulio Sousa que ten como finalidade a elaboración dun corpus de textos orais en galego e en castelán a partir de materiais sonoros obtidos en Galicia entre 1964 e 1967.
A través da obra de sete persoas profesionais da fotografía asentadas na elite portuguesa desta arte do noso tempo. Cinco fotógrafos e dúas fotógrafas que achegan a súa sensibilidade e a súa calidade técnica para tomar a esencia dos oito templos da Rexión Norte que constitúen o eixe temático desta colección de imaxes.
A exposición atende a tres núcleos fundamentais: a presenza da emigración na obra de Castelao como tema social e cultural na Galicia das primeiras décadas do século XX; os artistas exiliados en América tras a guerra civil; e as novas xeracións formadas na posguerra que encabezaron unha nova diáspora, esta vez dirixida cara ao centro do sistema cultural dominante, Madrid.
O universo de Luis González Palma (Guatemala, 1957) está formado por constelacións temáticas que orbitan ao redor da súa obra nun ciclo de permanente ida e retorno. A identidade e a memoria —eixos das súas primeiras series fotográficas— son abordados desde o retrato con persistentes ecos á pintura relixiosa, ao barroco e ao prerrafaelismo. Outras temáticas que sobrevoan o seu traballo son a introspección, a intimidade, a reflexión sobre o poder e a representación do non visible: “o que non se ve cando se mira, o que non se di cando se fala”.
Esta exposición fai este retrato real e a idealizado da Galicia dos emigrantes a través de vinte paneis que permiten visualizar a influencia da emigración na creación da imaxe da Galicia no século XIX.
A exposición Galicia Imaxinada establece o seu discurso coa revisión de revistas porteñas como Céltiga, Suevia e Almanaque Gallego, xunto coas habaneiras Eco de Galicia e Tierra Gallega, entre moitas outras. Unha mostra que, alén de reconstruír a Galicia dos emigrantes: símbolos, tradicións e tópicos, permite tamén acadar unha imaxe completa da cultura visual da época.
Denuncia a situación de trata de seres humanos que existen no noso país e pon de manifesto os factores de vulnerabilidade da vítima, e reflicte as causas e as consecuencias de esta grave violación dos dereitos das mulleres.
Exposición da Delegación do Goberno para a Violencia de Xénero, cedida polo Instituto da Muller, e cofinanciada polo Fondo Social Europeo.
O Museo Centro Gaiás da Cidade da Cultura acolle a maior exposición realizada ata o momento sobre este fotógrafo de Allariz, considerado un dos grandes nomes da fotografía do século XX.
A mostra, que reúne desde as súas imaxes máis icónicas ata series nunca antes expostas, pretende resituar ao fotógrafo de Allariz no punto que lle corresponde na historia da fotografía de Galicia e España, así como estender ao gran público o amplo recoñecemento que obtivo en vida por parte de intelectuais como Miguel Unamuno, Rafael Alberti, Francisco Ayala, Luís Seoane ou Eduardo Blanco Amor.
Noite Meiga é unha actividade creada por un grupo de mozas e mozos do Ribeiro, que se constitúe en Asociación cultural no ano 2001 co nome de Ribadavia Activa-T. Na senda da tradición de asociacionismo xuvenil na vila idéase un festexo que favoreza a sociabilidade que acaba insertándose entre os festexos do verán e os do tempo de Nadal e centrada en diversos elementos da tradición galega: meigas, defuntos, magosto, Santa Compaña… aos que se unen outros compoñentes como a Inquisición, a pasaxe do terror…
