O Museo de Arte Contemporánea da Coruña (MAC) expón as obras dos 50 creadores, 17 deles galegos ou residentes, seleccionados no marco da 14 Mostra de Arte Gas Natural Fenosa.
Os creadores Núria Güel, Emilio Pemjean, Fernando Renes e Teo Soriano son os premiados nesta edición. Este último escolleito para o premio Julián Trincado que recoñece ao mellor autor galego, con 6.500 euros e que apoia o Concello da Coruña.
Pel de Mar forma parte das actividades programadas para a terceira edición do Festival Mar de Mares, encontro cultural educativo e lúdico.
Trátase dunha selección de fotografías, ao redor do mar de Galicia, que o fotoxornalista Xulio Villarino amosa por primeira vez.
Mostra divulgativa que nos achega de xeito ameno e gráfico a traxectoria vital e literaria do autor homenaxeado no Día das Letras Galegas 2016, o poeta chairego Manuel María.
Programada pola Consellería de Cultura, Educación e Ordenación Universitaria da Xunta de Galicia, en colaboración coa Fundación Manuel María, a mostra percorrerá diferentes localidades de Galicia ao longo de 2016.
Colección de debuxos feitos a man de diferentes especies mariñas presentes no litoral galego.
Todos os públicos. Zona de exposicións da biblioteca.
Co gallo da celebración do Mes da Astronomía na biblioteca, expónse unha selección de libros infantís sobre esta temática para despertar nas pequenas e pequenos o interese polos astros.
Sala Infantil.
O Palacio Municipal inicia a temporada expositiva con esta mostra, que responde ao compromiso do Goberno local de poñer en valor a artistas contemporáneos de Galicia.
A través dun conxunto de 18 pezas, o emprego da cerámica como base fundamental e a introdución de elementos autobiográficos, o artista Iván Prieto propón a revisión do mito grego de Ícaro.
Esta proposta, comisariada por Ramón Rozas, permítenos ver dúas maneiras de tratar temas tan sensibles como a soidade, a violencia ou a inseguridade.
Rosa Úbeda e Yolanda Dorda ofrecen, a través da pintura, dúas visións distintas da muller e do seu papel na sociedade.
Florentino López Alonso-Cuevillas, nado en Ourense o 14 de novembro de 1886 e finado na mesma cidade o 30 de xullo de 1958, foi un historiador e escritor galego. En 1968 dedicóuselle o Día das Letras Galegas.
Está considerado o pai da arqueoloxía científica galega. Pertenceu ás Irmandades da Fala, a Xeración Nós e ao Seminario de Estudos Galegos, compaxinando a actividade desempeñada nestas institucións cunha discreta participación política en pro do galeguismo, na época en que se volveu nacionalista trala fase rexionalista.
Eduardo Pondal, o bardo de Bergantiños, é un dos grandes poetas do noso Rexurdimento, xunto con Rosalía de Castro e Curros Enríquez.
No 1886 publica Queixumes dos pinos, un poemario que é unha reelaboración e superación de Rumores de los pinos, colección de 21 poemas que publicara no 1877. Esta obra pertence á súa segunda etapa na que, influído polas ideas dos seus correlixionarios, especialmente a través de Murguía, séntese o poeta bardo, o espallador das raíces étnicas do pobo galego.
Exposición dunha selección de documentos da colección da biblioteca sobre a ciencia co obxectivo de axudar a divulgar esta materia. Enmárcase na conmemoración do Mes da ciencia en galego nas bibliotecas.
3º andar da biblioteca.
