A cara oculta dos versos é un proxecto expositivo, promovido pola Secretaría Xeral de Cultura, no que a artista Isabel Pintado amosa a súa creatividade sobre 21 libros de poesía de diversos autores e autoras, intervidos como unha homenaxe aos poetas que foron protagonistas das súas lecturas.
Obras de Manuel María, Chus Pato, Uxío Novoneyra, Yolanda Castaño, Manuel Antonio e Lupe Gómez son algúns dos autores e autoras que están presentes na mostra.
A Secretaría Xeral de Cultura, en colaboración co Club de Prensa de Ferrol, ofrece esta mostra do caricaturista Xosé María Cao Luaces (Cervo 1862 - Bos Aires 1918). Gran debuxante galego que despois dunha amplísima e extraordinaria colaboración en distintas publicacións bonaerenses, a finais do XIX e comezos do XX, foi recoñecido como patriarca da caricatura arxentina.
No vestíbulo da biblioteca, pode visitarse durante o horario de apertura da mesma.
Selección de documentos da colección infantil da biblioteca sobre o Día das Letras Galegas, para achegar ás nenas e nenos o significado e as celebracións deste día, que este ano homenaxea a Manuel María.
Sala Infantil. Pódese visitar durante o horario de apertura da biblioteca.
Selección de documentos da colección da biblioteca do autor Manuel María (Outeiro de Rei, Lugo, 1929 - A Coruña, 2004). Poeta, narrador, dramaturgo e académico da lingua galega, destacado polo seu carácter combativo e mais polo seu compromiso político.
Dedícaselle o Día das Letras Galegas 2016.
Lugar: 2º andar.
Pódese visitar durante o horario de apertura da biblioteca.
Manuel María: mostra bibliográfica. Realizaremos un paseo pola vida e obra de Manuel María a través dos seus poemas.
Esta mostra quere ser representativa de cadros tradicionais chineses con estilos tipicamente orientais e técnicas clásicas da pintura de tinta chinesa.
O mércores día 13 de abril ás 17:30 h os coordinadores dos actos da Semana da cultura chinesa - Miguel Cortés Hernández da Asociación Educativa Cultural Qu Yuan (屈原) e Wang Quan (汪泉) da oficina de relacións exteriores da USC - presentan o ciclo de actividades e inauguran a exposición.
Lugar: vestíbulo da biblioteca. Pódese visitar durante o horario de apertura da mesma.
Mostra conmemorativa do Día do Libro e do 400 aniversario da morte de Miguel de Cervantes Saavedra. O Día do Libro é un acontecemento anual que se celebra o 23 de abril, día do falecemento de Cervantes, desde o ano 1930.
A festa celebrouse por primeira vez baixo os auspicios da UNESCO en 1995 coa idea de fomentar a lectura, a edición e publicacións impresas e os dereitos de autor.
Lugar: 2º andar.
Pódese visitar durante o horario de apertura da biblioteca.
Mostra bibliográfica vinculada á programación da Semana da cultura chinesa na biblioteca, ciclo de actividades do 13 ao 21 de abril, coordinado por Miguel Cortés Hernández da Asociación Educativa Cultural Qu Yuan (屈原) e Wang Quan (汪泉) da oficina de relacións exteriores da USC.
Lugar: Vestíbulo. Pódese visitar durante o horario de apertura da biblioteca.
Mostra bibliográfica vinculada á programación da IV Semana da cultura chinesa na biblioteca, ciclo de actividades do 5 ao 9 de febreiro, organizada pola Asociación Cultural Educativa Qu Yuan, (阿塞屈原) e coordinada por Miguel Cortés Hernández (米東方), vogal de Intercambios Lingüísticos e Actividades Culturais da Asociación, e Han Yu (韩禹) presidente da Asociación China Universitaria de Santiago de Compostela (圣地亚哥大学中国学生学联).
Pódese visitar na sala infantil durante o horario de apertura da biblioteca.
