Bañistas está constituído por un amplo conxunto de fotografías anónimas de mozos seminús, cubertos apenas cun traxe de baño, retratados en contacto coa natureza. Mozos que aparecen no exterior: á beira das praias, das piscinas ou no campo, en lagoas ou ríos, e que recrean a tradicional iconografía dos bañistas que tivo gran predicamento ao longo de toda a historia da arte.
Confesión xeral é unha retrospectiva de Luis Gordillo, comisariada por Juan Antonio Álvarez Reyes, director do Centro Andaluz de Arte Contemporánea de Sevilla e Santiago Olmo, director do CGAC.
A exposición é a primeira mostra do artista sevillano en Galicia e permite realizar un percorrido polo seu traballo desde as series de debuxos de raíz informalista de finais dos anos cincuenta ata as obras fotográficas e pictóricas nas que emprega as lonas como soporte e as infografías como ferramentas.
Mostra articulada con obras procedentes das coleccións de arte de Afundación, ABANCA e a Fundación Laxeiro.
Un total de 39 pezas amosan a proximidade entre as creacións de José Otero Abeledo, Laxeiro, e outros autores que, malia seren posteriores a el, comparten a idea de concibir a arte como un reflexo de pulsións internas máis ca na plasmación de realidades externas.
Exposición bibliográfica e documental sobre a figura de Victoriano García Martí, intelectual e erudito, cuxa traxectoria deu conta do seu compromiso vital cunha Galicia atlántica que, no cultural e literario vinculou con Portugal, sempre na procura dunha identidade propia no marco da España e Europa do seu tempo.
A exposición Ánxel Huete. Unha revisión crítica é a primeira presentación que fai un museo da traxectoria de Ánxel Huete (Ourense, 1944), artista indispensable para comprender o discorrer da produción artística en Galicia nas últimas décadas.
Galicia. Terra das augas. Unha antiga definición que recolle séculos de vida ao redor de mananciais, fontes, servizos de saúde e repouso. Unha característica única e preciosa que xerou centos de libros, revistas, carteis e ilustracións, mapas, postais e obxectos de uso cotián. Unha produción bibliográfica antiga e moderna dunha enorme amplitude e cunha gran calidade e beleza. Unha xanela artística, social, médica e científica a tempos e xentes do noso país das augas, Galicia.
Comisariada polo recoñecido arquitecto galego Carlos Seoane, Da árbore á cadeira propón unha viaxe emocional da materia ao produto, da madeira ao mobiliario doméstico. Así, a exposición ofrece unha viaxe polo deseño desde os pioneiros (Isaac Díaz Pardo, Alejandro e Jesús de la Sota e Xosé Bar Bóo) ata os contemporáneos, entre os que se atopan moitos dos grandes arquitectos e deseñadores galegos, como Manuel Gallego Jorreto, Irisarri e Piñera, Noguerol e Díaz, Iago Seara, Carlos Quintás, Creus e Carrasco, Tomás Alonso, Elías Cueto, Lucía Buceta ou Iñaki Leite.
Exposición: Maruja Mallo
Co gallo do "Día das Artes Galegas 2017", a Biblioteca Pública "Antonio Odriozola", fai un percorrido pola obra pictórica da artista viveirense Maruja Mallo, coa mostra "A musa rebelde da vangarda española", que se poderá visitar até o 30 de abril.
Horario: De luns a venres de 09:00 a 21:00 / Sábados de 10:00 a 14:00
Hans Christian Andersen, nado en Odense o 2 de abril de 1805 e finado en Copenhaguen o 4 de agosto de 1875
29 de abril, Celebración do Día Internacional da Danza
