Queres que che conte unha historia extraordinaria e marabillosa?
Viaxaremos a un mundo onde evocaremos ese lugar máxico onde todo é posible. Hai historias de aventuras, mulleres intelixentes que vencen a brutalidade do rei, piratas, xenios, xigantes... De Persia a Exipto, da India ao Magreb, a forza da palabra sempre pode salvarnos das situacións máis complicadas.
No salón de actos, para nenos e nenas de 3 a 12 anos.
Entrada libre ata completar a capacidade da sala.
Sesión de contacontos a cargo da Federación de Asociacións de Persoas Xordas de Galicia (FAPXG), para nenos e nenas de 6 a 12 anos.
Integrantes da FAPXG interpretan contos na lingua de signos para os que non poden ouvir e en voz alta para os demais.
Salón de Actos. Entrada libre ata completar a capacidade da sala.
Se ZZZ é unha onomatopeia para representar o sono, a Zeta é a mellor pastilla-letra para durmir. Non hai berce coma un libro, non hai soños sen arrolos, non hai noites sen sorrir.
Duración 30 minutos. Para 20 nenos e nenas de 0 a 3 anos, na ludoteca.
Manoele de Felisa, cantautor galego con diferentes traballos publicados, ofrece unha actividade para lles achegar aos cativos e ás cativas o mundo da poesía a través das súas interpretacións musicais, así como algunha sorpresa lúdica para manter a atención e facela máis atractiva para o público infantil.
Actividade de Ler conta moito, da Rede de Bibliotecas Públicas de Galicia.
Contacontos: David Pernas
Sinopse: A Fuco tocoulle hoxe coidar dun bebé. Trátase de Cochín, un porquiño fillo duns amigos que hoxe van sair cear e precisaban alguén que lles quedase co fillo.
A merenda, o cambio de cueiro serán tarefas que mal que ben, Fuco fará esta tarde. Tamén contará contos de porcos, que son os favoritos de Cochín e axudarán a telo entretido
Contacontos: David Pernas
Foi una constante nos últimos anos que o público lle pedisen a Caxoto que creara un espectáculo de contos para cativos de 0 a catro anos. De aí xurde O berce das verbas onde a través da palabra contada, imaxes suxerentes, música en directo e a imaxinación colectiva iremos creando e recreando un espazo non que poidan soñar.
35 minutos de contos poboados de animais, viaxes espaciais, tronos reais, cantos de berce… que rematarán cun experimento sonoro onde as novas tecnoloxías póñense ao servizo do público.
Vero Rilo leva a súa especial sesión de narración oral ao redor dese oficio tan noso como o das Lavandeiras ao festival De Perto. A palabra contada, cantada ou rimada.
O festival De perto. Palabra cantada, contada ou rimada continúa coa súa programación.
Desta vez, tócalle a quenda a Cándido Pazó que co espectáculo Como cho conto levará todo ese repertorio recompilado das historias propias da nosa narración oral .
Continúa a quinta edición do festival De Perto. Palabra contada, cantada ou rimada e, desta volta, coa intervención de Talía Teatro a e o seu espectáculo Bicos con lingua.
Máis información, aquí.
