Contacontos/Narración oral

O programa de artes escénicas Vive o Camiño ofrecerá durante este verán máis de 40 actividades gratuítas e dirixidas a todos os públicos, que se celebrarán nos concellos galegos do Camiño Portugués e do Camiño Portugués da Costa. Desde finais deste mes de xuño e ata o próximo mes de setembro, esta iniciativa de promoción e dinamización dos itinerarios xacobeos encherá de música e teatro numerosas rúas e prazas das provincias de Pontevedra e A Coruña.

Como parte deste programa, actuará en Dodro o contacontos Anxo Moure.

Programa organizado por Turismo de Galicia.

Veño de lonxe sobre o mar de escume e prata, do lugar onde a Lúa baila polas noites coas melfas. Na miña maleta tráiovos historias. Historias para escoitar e ulir, salgadas coma os personaxes incribles que me acompañan. O meu nome é Manuel Antonio. Son mariño. Son poeta.

Trátase dun espectáculo de stand-up comedy escrito e interpretado por Luis Piedrahita. Unha vez máis, este artista sae en defensa de todos eses pequenos seres aos que non se lles trata co respecto que merecen. Luis ofrecerá unha hora e vinte de show, de risos e emocións, sen máis artificios que a súa personalidade, a súa voz e o seu corpo.

Neste espectáculo, Piedrahita volve á carga cunha recompilación dos seus textos máis coñecidos destinada a divertir e emocionar.

Novo repertorio de Filipa e Fran: narración, teatralización, musicalización… A protagonista é a homenaxeada das Letras Galegas 2018, M.ª Victoria Moreno, e o seu libro Mar adiante, adaptando contos incluídos nesta obra. Haberá tamén contos populares sen esquecer a música en directo, contos cantados, xogos e bo humor. Espectáculo participativo para público famliar.

Para nenos e nenas de 4 a 11 anos.

A proposta de Contos e historias das árbores do Camiño Portugués busca poñer en valor a través dunha sesión de narración oral e unha animación de rúa a importancia de protexer o patrimonio forestal e natural desta contorna afectada por graves riscos como poden ser os incendios forestais ou as pragas, tentando que o público, dun xeito lúdico e pedagóxico, coñeza algunha das historias que gardan freixos e bidueiras, carballos e castiñeiros, nogueiras e sobreiras.

O contacontos Anxo Moure levará a batuta, e Servando Barreiro porá a música.

Un espectáculo de narración oral que combina a manipulación do kamishibai (teatro tradicional xaponés que usa o papel) e a técnica lumínica emaki con escenarios despregables pop-up e revisións únicas desta técnica teatral. As historia viaxeiras permitirá descubrir lendas e contos chegados dos diferentes continentes. 

Para cativos de 4 a 11 anos 

En Vilaxeada hai unha velliña, un curral sen galo, un cataventos… As pitas do curral, que coñecen ben o que acontece, reúnense de cando en vez para contar as historias da aldea: como apareceu o cataventos da igrexa, como quedou o curral sen galo e que lle pasou a outros personaxes e animais que por alí vivían.

Contacontos baseado nos relatos de Mª Victoria Moreno.

Duración: 45 minutos aprox.

A partir de tres anos.

Lupodivico Fernando Gómez de Tipiminí é un lobo moito máis pequeno que o nome tan longo que lle puxera a súa nai, por iso todo o mundo o chama Lup. Lup, un día, preparou a súa maleta e foi dar a volta ao mundo. Un xersei, unha bufanda, unhas medias quentiñas, un libro de contos, unha pucha, unha mantiña, a cámara de fotos, unha chupeta… unha chupeta! Unha chupeta é unha cousa para levar nunha viaxe tan divertida? Espectáculo de contos con son, versos e pequenos obxectos.

Para bebés de 1 a 2 anos.

Cómpre reservar praza.

Actividade baseada na colección de libros de O raposo Rufo, con contacontos nos que se fará partícipes aos nenos, e obradoiro final para que os pequenos desenvolvan o visto na actividade. Os libros de Rufo tratan sobre os valores, a reciclaxe, a natureza e o seu coidado, alimentación, bos hábitos...

Para nenas e nenos entre 4 e 11 anos.

Volve a hora do conto en inglés ou StoryTime. 

O StoryTime é a representación dunha historia a través de diferentes personaxes, cancións e material complementario, para asegurar que os nenos poidan gozar dun espectáculo en inglés. Nesta ocasión Kids&Us Coruña levará aos asistentes ata o lonxano Oeste co StoryTime The Far West.