Contacontos/Narración oral

COCOROCÓ é un espectáculo de narración oral no que se empregan obxectos, monicreques, debuxos e interación  co público.
 Pero...quen canta COCOROCÓ? Unha galiña, pero non unha galiña calquera, non, unha galiña azul. Sí, azul como o ceo, coma o noso mar, unha galiña diferente a todas as demáis. Por iso é perseguida e quere matala  Manolito Listón porque él di que  unha galiña que en vez de dicir cacaracá di cocorocó, que pon ovos de cores e ten cinco plumas  vermellas na á dereita , non é unha galiña como debe ser pero...

• Contos de risa, trasnos e carapuchiñas. A tradición oral da man da literatura infantil. Co ritmo das ondas no noso maxín, entraremos no mundo da fantasía e da imaxinación...

  "Contos nas orellas" engloba cinco sesións diferentes para escoller, cada unha delas arredor dun tema: a diversidade, O Nadal, a risa, a tradición oral e os primeiros contos para bebés. Ditos, cancións e pequenos xogos tradicionais salpican todas as sesións, que teñen como finalidade o gozo da literatura por parte dos pequenos/as.

Difícil escoller pero Carlos Blanco decide revisar algúns dos seus máis coñecidos monólogos: As bravas da Arousa (Queres Kiwis?), A dobraxe porno, Galizara, As grandes frases das nosas avoas e avós...

Marcos Pereiro é todo un camaleon do humor e do audiovisual en Galicia. Presente nunha chea de proxectos relacionados coa escea e a televisión na última década, formou no ano 2000 o dúo cómico Os Dous de Sempre xunto co seu inseparable socio e amigo, Xosé Antonio Touriñán.

O instinto cómico de José Manuel Rodríguez, máis coñecido como Isi, permaneceu durante anos agochado no ámbito doméstico natal até que un bo día gañou o televisivo concurso de chistes O Rei da Comedia. Desde entón, milleiros de espectadores poden gozar na televisión ou nos escenarios da arte de Isi para convertir os momentos cotiás en memorables anécdotas coas que escachar da risa. As historias sobre a súa particular familia con tres nais e sobre os seus histriónicos veciños e o falar rápido e nervioso son a súa especialidade, sen esquecerse dos mellores chistes de sempre.

Espectáculo con tres cómicos excepcionais, coñecidos polo público e respectados pola profesión, como son Pedro Brandariz, Fran Rei e Isabel Risco, que intercalarán sobre o escenario unha serie de monólogos propios, gags, recursos e xogos de improvisación que farán de cada representación unha aventura diferente e única.

FEIRANTES” é un espectáculo teatral baseado nas narracións de Álvaro Cunqueiro recollidas no seu libro “OS OUTROS FEIRANTES”.

Por Josito ou Moncho, os personaxes que interpreta en Padre Casares e Era visto! coñéceno en media Galicia. Este lingüista metido a actor, mazaricano de trinta e oito anos, é xa un dos grandes da ficción no audiovisual galego.

Como humorista, é un dos máis experimentados de toda Galicia. Con máis de 15 anos de experiencia nas nosas pantallas e máis de 5 anos nos escenarios, Federico Pérez é un dos máis recoñecidos actores da nosa terra. A noite do capador, recén estreada, é a súa última obra, na que participou na creación o dramaturgo Jose Luís Prieto.

Narrador: Cándido Pazó

 “Como cho conto...” é un espectáculo de narración oral, unha sesión de contos na que se van enfiando historias, anécdotas, lerias... de creación propria, as veces baseadas na tradición oral, ou ben na literatura axeitada á oralidade.

Nunha mistura entre o narrador e o xogral da palabra, entre o charlatán de feira e o cómico, as historias de cada sesión escóllense e réxense sobre a marcha, dependendo do ambiente, o público concreto, a gana e inspiración do “conteiro”, as circunstancias do día...

Quen viu algunha vez un libro nun bambán, ou tomado ou sol a beira dun río?

Quen non escoitou falar do baile dás follas escritas?

Quen non recorda a nana do libro durmido? Están aí, entre nós, agochados de diferentes formas... "  Hai que saber ollar. Comezamos por mirar polo ollo dá fechadura do libro porta, que ves?" Unha danza de bolboretas xogando con pequenas letras.