A gran Lilí Gruyère, a artista máis internacional de todas as ratiñas e ratiños de Lonxedetodo, vén de recibir un importante encargo profesional: a dirección do musical A ratiña presumida, para o que contará coa axuda do seu amigo e veciño o Rato Fuco.
Nesta ocasión Lilí decide facer a súa propia versión: O ratiño presumido, que será representado na biblioteca polos país, nais ou mestres asistentes e polo propio Fuco.
Convidámosche a coñecer e gozar a poesía, a descubrir a tradición oral dos recitais, e coñecer como se atopa máis preto do que pensamos.
Servando Barreiro ponlle música aos nosos poetas.
Na sala multiusos, para 30 nenos e nenas de 4 a 12 anos. Duración: 45 min.
Contos e cantos para xogar ao agocho con imaxes e palabras, para xogar ao “veo, veo” e as adiviñas, para descubrir o mundo, xuntos, cunha ollada curiosa e ollos sorrintes.
Para 20 nenos e nenas de 0 a 3 anos, na ludoteca. Duración: 30 minutos.
Un menú moi elaborado cos mellores nutrientes para levarnos de alí alimentado o estómago, o cerebro e o corazón. Os nosos comensais irán elixindo os seus pratos segundo o menú de contos que teñamos ese día. Se non abres a boca (para pedir) non entrarán contos...
Idade: de 3 anos en adiante.
Duración: 45 minutos.
É necesario recoller invitación.
Unha sesión de contos con obradoiro de debuxo, para nenos e nenas de mais de 3 anos, a cargo da compañía de Polo Correo do Vento.
Sesión de contos na Biblioteca Pública de Pontevedra, empregando como universo temático a celebración do Ravachol na cidade.
CELEBRAMOS O DÍA DE ROSALÍA
Para conmemorar o aniversario do nacemento de Rosalía de Castro, o 24 de febreiro de 1837, a actriz, contadora de historias, fotógrafa, escritora e dramaturga Soledad Felloza achegará aos nenos os versos de Rosalía co o seu espectáculo "Chove miudiño"
Nenos/as de 4 a 12 anos
Tirando do fío é unha invitación a aloumiñarse, a adiviñar, a escoitar sons e a cantar, a xogar, a confiar... Pero tamén a tirar dos fíos das historias que se enredan nas nosas orellas e mans. Unha invitación a descubrir esas historias.
Para nenos/as de 0 a 3 anos.
30 prazas. Inscrición previa no formulario de solicitude. Unha vez rematado o prazo de solicitude avisaremos vía e-correo ou teléfono dos admitidos
Contacontos en lingua de signos. Fantásticas historias contadas por Miguel e Blanca, da FAXPG (Federación de Asociacións de Persoas Xordas de Galicia).
Para nenos/as de máis de 3 anos, oíntes ou xordos/as.
Sábado 6 de outubro, ás 12:00 horas, na Sala Infantil.
Entrada libre.
Esta dúbida fai de fío condutor desta actividade de animación á lectura. Igual que o adulto acode á súa imaxinación e aos seus recordos para atopar un momento de sosego que facilite a comida, na actividade utilízanse os contos e a música para chegar ao seu obxectivo.
Idade: de 0 a 3 anos.
Duración: 30 minutos.
É necesario recoller invitación.
