Concerto

'Fausto', a que fora a última película feita en Alemaña de F.W. Murnau, na súa versión restaurada por Luciano Berriatúa, será a obra mestra do cinema mudo que este ano inaugurará o (S8). Sonorizada en directo pola Orquestra Sinfónica de Galicia, que en 2017 celebra os seus 25 anos.

Un aniversario significativo, como o é para o (S8) alcanzar ese número 8 que leva o seu nome, en honra ás películas de pequeno formato. A OSG contará nesta ocasión coa dirección de José Ramón Encinar e coas intervencións da soprano Ilduara Perianes e a mezzosoprano María Rivera.

Jozef van Wissem é un músico capaz de conxugar sorprendentemente pasado e presente. Unha figura única no panorama musical que foi capaz de reescribir a historia dun instrumento aparentemente esquecido como o laúde e dotalo de nova vida, movéndose con soltura en terreos barrocos ou avant-garde. As súas influencias van do mundo clásico (Bach, Satie,...) ata a música industrial.

Espectáculo musical de formato individual, no que Magín Blanco interpreta temas propios para os/as nenos/as, dentro da programación de Ler conta moito.

A través do abecedario e da música, Magín irá creando un universo fiado polas introducións ás cancións, por adiviñas e pequenos contiños.

Esta é a proposta máis cercana entre público e autor, na que Magín procura a participación do público na interpretación das cancións.

Compostela Conversa é un ciclo de concertos de carácter único que busca fomentar a promoción do novo talento e a reflexión sobre a escena actual, dando voz aos artistas máis alá da actuación musical.

Tamén é un espazo de conversa aberta ao público para abrir un debate plural sobre a creatividade, o traballo dos artistas, a situación do novo talento e calquera tema que enriqueza a ruptura da parede entre espectador e artista durante un concerto.

Todos os anos na semana dos museos preséntase a nova edición do ciclo Música e arte. Correspondencias sonoras no que, baixo o comisariado de Vertixe Sonora, compositores internacionais crean pezas musicais a partir das exposicións do CGAC.

Jay están de volta presentando o seu novo traballo, ''Fuimos nosotros,'' que está a piques de saír e do que xa se pode gozar do seu adianto "Menos corpóreo más real" , dando un xiro estilístico espectacular que os afasta do noise dos seus primeiros discos e énchelles de matices, con guitarras, saxos, frautas, samplers, achegándoos ao pop e outras tendencias.
https://jayvigo.bandcamp.com/

A xa tradicional Romaría das Letras que cada 17 de maio consegue encher de vida unha vez ao ano o pazo de Goiáns contará nesta edición cun gran concerto como colofón, a cargo dun dos referentes do folk galego. O artista Davide Salvado, que vén de ser recoñecido esta semana nos premios Martín Códax na categoría de música tradicional, despregará a súa maxia nun dos marcos máis singulares do municipio boirense.

Actuación do músico Emilio Rúa acompañado como narrador do escritor Carlos Caneiro.  

Este concerto literario forma parte da programación para celebrar as Letras Galegas 2017.

A galiña azul é a nova producción do Ensemble da Aula de Música Actual©, que baixo a dirección artística de Juan Eiras e musical de Javier Viceiro-Filgueira, preséntanos unha obra colectiva de música incidental.

Volven as foliadas de Ardelloeixo ao grande e fano para celebrar o día das Letras Galegas. O 17 podedes achegarvos cos vosos instrumentos ao Campo da Leña a partir das 19.00 horas para bailar, cantar e aturuxar.  Contarase  ademais co concerto de Xabier Díaz e