Evento: A bruxa Befana

Chega decembro e chegan Os Bolechas coa súa xira de Nadal, que pasará por 8 concellos da Rede de Dinamización Lingüística e levará unha convidada  moi especial, a bruxa Befana.

Os Bolechas este Nadal recibirán unha visita. Non se trata dos Reis Magos de Oriente, nin de Papá Noel, nin tan sequera do Apalpador. Tampouco chegará en camelo, como os Magos; nin en burro, como o Apalpador; nin nunha zorra tirada por renos, como Papá Noel... Ela é unha bruxa boa. Si, si, sentistes ben, moi boa, molto buona. Oístes falar de Befana, a encargada de levarlles doces e xoguetes ás nenas e nenos italianos? Pois este ano desviou o seu camiño e rematou na casa dos Bolechas. Queredes coñecela vós tamén? Pois animádevos a vir á xira de Nadal dos Bolechas, que estará este ano en oito localidades.