Evento: Multixogo Nadal

MULTIXOGO NADAL será un gran parque de atraccións de 3.500 m2 no Multiusos Fontes do Sar no que haberá actividades diversas para o público familiar.O evento contará cunha gran tirolina de 80 metros de percorrido dende a que se atravesará dende as alturas toda a pista central do recinto en diagonal. Os asistentes poderán desfrutar todos os días de circuitos de inchables, rocódromos, piscina de bolas xigante, circuito de karts a pedais, simuladores, videoconsolas, xogos interactivos, xogos populares, actividades deportivas e obradoiros de Nadal.Amais de todas estas actividades, dispoñibles os 8 días de apertura, haberá unha programación diaria na que se sumarán actuacións, exhibicións e obradoiros especiais: concertos didácticos de cancións de Nadal, sesións de maxia, contacontos, sesión de dj infantil con campanadas, sesións de zumba, chocolatada de benvida 2023, obradoiro de robótica e exposición de modelos de Lego xogables, repostería de Nadal, actividades en inglés…
+ INFO