Evento: Alfonso Sucasas. Camiño e mitoloxía
Alfonso Sucasas. Camiño e mitoloxía
Rememorando as exposicións que Alfonso Sucasas realizou durante o Ano Xacobeo 93, baseadas nunha serie de obras inspiradas na historia de Compostela e no Camiño de Santiago, que dan lugar a unha ampla colección integrada por debuxos e pinturas, algunhas de gran formato: o “Tríptico de Adán e Eva”, “Pecados capitais” ou “Santiago Peregrino”, propiedade da Xunta de Galicia, presentamos unha mostra que recupere ese momento do artista e contextualízalo no ano Xacobeo 22, actualizando a mensaxe.
Alfonso Sucasas estivo durante un ano envorcado na creación desas obras, nas que se inclúen bosquexos preparatorios e que finalizou en marzo do 93. O tema, foi de enorme interese para o artista e por ese motivo non chegou a abandonar nos anos seguintes ese fío argumental. Do seu taller saíron novas realizacións que fixeron que o proxecto inicial crecese. O Camiño de Santiago que vertebra a Galicia con Europa , verdadeiro eixo de integración cultural, foi abordado desde outros puntos de vista que se refiren á paisaxe, xeografía do camiño, ás xentes e peregrinos no seu camiñar cara a Compostela.
A exposición conta con 56 obras: pinturas, debuxos, bosquexos e documentos.
