Evento: Versos, cores e colaxes

É necesario apuntarse por teléfono, na propia biblioteca ou a través da páxina web

Idade de 6 a 12 anos

Imparte: María Lires

Este é o título dun obradoiro de ilustración no que a través da mesma, nos achegaremos á figura do homenaxeado Florencio Delgado Gurriarán na súa faceta como poeta.

A través da lectura e a introspección dos seus versos daremos forma á ilustración facendo uso do xogo, as emocións, a cor e a técnica do colaxe.

Os nenos familiarizaranse coa poesía, o simbolismo das palabras, a conexión co propio emocionario e darán forma á súa propia interpretación do lido e escoitado.

Un obradoiro para tomar conciencia da importancia da poesía como xénero e da figura do autor como artífice de emocións.