Evento: Acuarelas de Fernando Villalba

Fernando Villalba ten claras aptitudes, a pesar de non dedicarlle á súa vocación o tempo que quixera, pero adoece dunha proxección axeitada. Artista, galego de adopción, cun talento indiscutible aplicado a unha técnica pictórica tan complexa como delicada e inmediata e tamén menos presente na produción artística de moitos creadores contemporáneos.

Nesta mostra apreciaremos a súa ollada estética e poética plasmada nas esceas que representa, que tamén eleva a outras facetas da súa vida profesional. Esa sensibilidade innata mellora a realidade dándolle un matiz subxectivo ao xénero que máis abunda na súa obra: a paisaxe.