Evento: Deber de Baltar, medicina e compromiso

“A raíz da acollida do libro Un señor elegante de Suso de Toro comprendemos que había un interese por parte dun público amplo por coñecer máis aspectos desa historia da familia Baltar que tivera un papel tan significativo na historia da cirurxía e da asistencia social e na promoción e protección da nosa cultura e comprometida co destino e os problemas sociais do seu país e o seu tempo. Unha historia que lle está a dar orgullo a moitos galegos e galegas e admiración xa a moitas persoas en España. Velaquí unha exposición centrada na saga familiar de Ángel Baltar, médico-cirurxián con orixe en Padrón, e dous dos seus fillos, os tamén médicos Antonio e Ramón Baltar Domínguez”