Evento: Ambigüo

Ambigüo é unha banda española, da Coruña (Laracha/Carballo) de Indie, Pop, Rock formada polo vocalista Pablo Cadrado, os guitarristas Fredy Besteiro e Dave Hernández, o Baixista Suso Vilar, e o baterista Sebastián Fariña. Nace en 2017 cando Pablo e Fredy, amigos coruñeses que se perderon a pista hai anos, volven atoparse por casualidade en Laracha, onde ambos residen. O primeiro, carteiro rural, afeccionado á poesía e apartado do movemento musical desde hai anos (A Lenda), e o segundo, músico vocacional guitarrista de numerosas bandas (La Torre Blues Band, The Majestics, Stoner Hill).

Das ideas musicais que tiña Fredy e as letras e melodías de Pablo, xorden algúns temas polos que pronto se interesa o produtor e baterista coruñés José Manuel Martínez García, propietario de Estudos Bonham, co que a principios de 2018 comezan a gravación do que sería o seu primeiro EP AMANITA. Non hai unanimidade á hora de definir ou encasillar o estilo dos temas, máis ben todo o contrario, algo que a Fredy e a Pablo encántalles, de aí xorde o nome de AMBIGUO, ao que lle poñen diérese para seguir xerando dúbidas. Durante ese ano vanse incorporando á banda Suso ao baixo (Malavida), Dave á guitarra (Compañeiro de Fredy en The Majestics e Stoner Hill), e por último Sebas á batería (Dubide). Coa formación xa consolidada, e o disco gravado, chega unha prolífica etapa na que Fredy e Pablo cada vez máis en sintonía á hora de compoñer, montan máis temas no local co resto da banda, mentres preparan a edición e masterización do disco.