Evento: Cultura Quente: Mitic

MITIC é o proxecto pioneiro dos irmáns galegos Álvaro e Suso Costas que despregará unha nova forma de entender a gaita galega.

Os irmáns Costas contan coa colaboración de 13 reputados artistas, coa intención de conseguir a evolución social dun instrumento que estivo sempre ligado á música tradicional desde a súa expansión no século XIII.

No espectáculo versionan temas míticos como Still loving you de Scorpions, The show must go on de Queen, Living on a prayer de Bon Jovi, Sweet child of mine de Guns N' Roses, Gabriel's oboe de Ennio Morricone, Hotel California de Eagles ou My way de Frank Sinatra, entre outros moitos. Nestes temas á gaita acompáñana outros instrumentos como batería, baixo, piano, guitarra, violín, saxofón, trombón ou trompeta.