Evento: Pauliña

PAULIÑA é unha nova proposta galega de country folk que debutou en maio do 2018 co seu primeiro traballo De-Xeneración, con Pauliña (Paula Chaves) á fronte e arroupada por uns grandes músicos que levan máis de 20 anos na estrada e que tocaron xunto a bandas como Ska-p, Seguridade Social, Presuntos Implicados, Os inimigos...

Ao longo de todo este ano pasado deron máis de 20 concertos por toda Galicia, sorprendendo ao público e crítica cos seus temas directos, con letras que chegan moi dentro e cun directo demoledor, que non deixa a ninguén indiferente e fai que o público participe no show.

Compartiron escenario con bandas como O Drogas, Talco, The Tolos, Ana Bacalhau, Ses, Guadi Gallego, etc., conseguindo xuntar no seu concerto durante as festas do Albariño (Cambados) a máis de 5.000 persoas e nas súas actuacións en salas, sold out na maioría delas antes da data da actuación.

O 20 de decembro presentaron un novo EP Decideu non ser de ninguén con dous novos temas, no que participa xunto a Pauliña o rapero mallorquino Valtònyc poñendo a súa voz en Eu vin ou mar chorar, unha alegación a favor da liberdade de expresión, a liberdade individual e a loita contra as inxustizas e actitudes machista por parte da sociedade actual.

Se non a coñeces ven a descubrir a Pauliña: unha muller rompedora, loitadora, comprometida cunha mensaxe clara e directa tanto nas súas letras como na súa música.