Evento: Jeune femme à sa fenêtre lisant une lettre

Esta nova versión dixital en 2K de Jeune femme à sa fenêtre lisant une lettre foi realizada en Elías Querejeta Zine Eskola (EQZE) a partir da película orixinal en Super 8 e forma parte dun proxecto de investigación integramente desenvolto por un equipo de estudantes e profesorado do centro.

«Pola xanela, non sabemos cal é a paisaxe. Unha rúa, unha canle, a vista de Delft, quizais o porto. Estamos no interior, á luz do día. Na parede, os mapas son máis grandes que os cadros e, con todo, non sabemos onde estamos. A muller está na xanela. Está de pé, lendo unha carta. Xa non sabe cal é a paisaxe, de tan fixa na carta. Podería ser calquera, calquera punto sobre o mapa». Jean-Claude Rousseau.