Evento: Festival de Música Bal e Gay- Cantoría

É un ensemble vocal dirixido por Jorge Losana, formado no verán de 2016 no Festival Internacional de Música Antiga de Sierra Espuña, e que ten a súa orixe na Escola Superior de Música de Cataluña.

Está formado por Inés Alonso (soprano), Samuel Tapia (contratenor), Jorge Losana (tenor e dirección) e Valentín Miralles (baixo).

Desde que foron seleccionados polo programa EEE merging 2018 (Emerging European Ensembles), un proxecto de cooperación apoiado pola Unión Europea e organizada polo Centre Culturel de Rencontre de Ambronay (Francia), están a construír unha carreira internacional grazas a concertos en Italia, Alemaña, Francia, Polonia, Reino Unido, Bélxica, Croacia, Lituania, España e Países Baixos.

Da mesma maneira, en 2017 foron seleccionados como jóven promesa polo IYAP (Presentación Internacional de Novos Artistas) de Anveres, a edición fringe do Festival de Música Antiga de Bruxas e a edición fringe do prestixioso Oude Muziek Festival en Utrecht, actuando como Fabulous Fringe Ensemble en 2019.

En 2018 Cantoría gañou o Premio do Público no Festival EEEmerging de Ambronay, foi seleccionado polo programa de residencia de Citeina da Voix, en Vézelay, e invitado para formar parte do proxecto MuSAE de Mocidades Musicais España, actuando na Biblioteca Nacional de España e o Museo do Prado.

En 2019, o grupo gañou o Premio de Música Antiga FestClásica, que lles outorgou unha xira de concertos por toda España, debutou na radio alemá (WDR3), e comezou unha colaboración no Centro dei Musica Antica Ghislieri de Pavía como ensemble residente.

O repertorio de Cantoría está baseado principalmente na música vocal da Idade de Ouro española.

Xunto á investigación de técnicas interpretativas historicamente informadas, Cantoría explora e aproveita o carácter teatral e comunicativo da Música vocal renacentista e investiga as técnicas vocais do Renacemento Ibérico.

Cantoría é apoiada por Acción Cultural Española, o Instituto Nacional de Artes Escénicas e Música, a Consellería de Cultura da Comunidad de Madrid e o Instituto das Industrias Culturais de Murcia.