Evento: Presentación dos libros Os encantiños do Umia e Lola

A biblioteca cede o espazo á asociación cultural O Faiado da Memoria para a presentación dos libros Os encantiños do Umia e Lola.

Os encantiños do Umia é un traballo desenvolvido por Carlos Rey Cebral, coa análise musical de Cristian Silva, sobre o grupo de música tradicional que dá nome ao libro, un dos que máis duraron na escena musical galega.

Lola é a transcrición da longa charla con Dolores Rodal Blanco e que dá lugar ao traballo audiovisual do mesmo título. A historia de dúas nenas nun país que parecía que ía cambiar pero que foi envolto nunha tupida escuridade que ela nunca deixou de lembrar e facerlla coñecer aos demais. Agora, trala súa morte e a da súa irmá Pilar, quédanos a súa palabra para seguir mantendo a memoria de que outro mundo si é posible.

No salón de actos. Para público adulto. As persoas interesadas poden retirar a invitación no mostrador de Información da biblioteca dende 30 minutos antes do comezo da actividade.