Evento: A vida secreta de Arantza Portabales

Charla “A vida secreta de Arantza Portabales” a cargo da escritora Arantza Portabales e Mercedes Corbillón, lectora e libreira, que falarán dos mil e un personaxes que habitan nos escritores, da conexión da vida e ficción, de pulsión creativa, de recorridos lectores e da importancia dos escenarios na realidade e nas novelas.

Arantza Portabales, nada en Donostia en 1973, é unha escritora galega en lingua castelá e galega. Filla de emigrantes galegos, regresou coa súa familia a Marín en 1985. Licenciouse en Dereito pola Universidade de Santiago de   Compostela e traballa como funcionaria da Escala Superior de Finanzas da Xunta de Galicia. Entre as súas obras destacan Deixe a súa mensaxe despois do sinal (Galaxia, 2017), Beleza vermella (Galaxia, 2020) e Historias de mentes (Bululú, 2020).

Actividade dirixida a público adulto. No salón de actos da biblioteca. As persoas interesadas poden retirar a invitación no mostrador de Información da biblioteca dende 30 minutos antes do comezo da actividade.

A charla será retransmitida en directo a través da conta de Instagram da biblioteca @bpsanxelcasal