Evento: Relatos da morte no pasado: ósos, pedras, barro e tinta
Relatos da morte no pasado: ósos, pedras, barro e tinta
O Museo a Domus do Mitreo organiza este curso de verán da USC que ofrecerá unha aproximación integral ás múltiples formas de abordar a morte en contextos arqueolóxicos e históricos, desde a Prehistoria ata a Tardoantigüidade. O obxectivo é comprender as diferentes formas nas que as sociedades do pasado representaron, xestionaron e ritualizaron a morte a través de ósos, pedras, cerámica e textos, así como analizar a morte desde unha perspectiva interdisciplinar, integrando enfoques arqueolóxicos, históricos e bioantropolóxicos.
Dirección: Miguel Carrero Pazos (USC), Patricia Argüelles Álvarez (USC)
Secretaría: Edgard Camarós Pérez (USC)
Lugar de celebración: Museo A Domus do Mitreo, Lugo
Este curso conta co cofinanciamento do proxecto de investigación 'Osteoarqueología de las prácticas quirúrgicas: explorando los límites del conocimiento médico en la (Pre)Historia' (ED431F 2024/13, Consellería de Educación, Ciencia, Universidades e Formación Profesional, Xunta de Galicia).
Máis información e matrícula aquí:
