Evento: Na Biblioteca de Galicia lese poesía: Antonio García Teijeiro

Antonio García Teijeiro será o segundo poeta protagonista do ciclo Na Biblioteca de Galicia lese poesía.

Con Poemar o mar recibiu o Premio Nacional de Literatura Infantil y Juvenil del Ministerio de Cultura y Educación de España en 2017.

Poeta de extensa traxectoria, é creador tanto de composicións poéticas destinadas a público adulto como a lectores máis novos.

Nesta sesión, organizada dentro do programa de actividades polo décimo aniversario da Biblioteca de Galicia, Antonio García Teijeiro fará a lectura dunha escolma dos seus poemas acompañado pola tradutora da súa obra, Chus Fernández. A través do diálogo que se estableza entre eles achegarámonos á obra dun dos nosos poetas máis galardoados.