Evento: Malditos Roedores

A combinación perfecta para o éxito vén da man do guitarrista e produtor Luís Miguélez, que nos deixou entre moitos outros o fabuloso disco ?Rockstation? de MacNamara, e do perfomer e cantante Antonio Glamour nun conseguido novo proxecto chamado Glamour To Kill (GTK). (Antonio) Luís e eu coñecémonos de hai moitos anos. De súpeto un día atopámonos e ambos nos damos conta de que é o momento apropiado para facer xurdir GTK?. (Luís) Cada un viñamos de facer historias diferentes. Antonio viña de organizar festas, da cultura fetish-art, do mundo da pasarela e da moda e eu viña do mundo do show-business e a música, e bo pois queriamos xuntar todo isto. E así empezamos, aos poucos?. (Antonio) GTK xurdiu nun momento de conexión creativa onde ambos queriamos facer algo novo e diferente. Empezamos a traballar fai uns dez anos no estudo que Luís ten en Madrid. Gravabamos temas que gardabamos en maquetas mentres seguiamos cada un cos nosos respectivos proxectos. Mentres se xestaba o embrión de GTK Luís foi vivir a Berlín, a coñecer a cidade, en definitiva por cambiar de aires e renovarse un pouquiño. Desta migración ao corazón de Alemaña xorde a idea xeneralizada de que GTK é un grupo de Berlín.