Evento: Historietas Xacobeas

Participan no proxecto: Ministerio de Cultura e Deporte (coordinador), Gobierno Vasco, Xunta de Galicia, Goberno do Principado de Asturias, Goberno de Cantabria, Gobierno de La Rioja, Gobierno de Aragón, Gobierno de Navarra e Junta de Castilla y León.

Exposición itinerante da obra orixinal encargada polo Consello Xacobeo para a celebración do Xacobeo 2021. O proxecto, comisariado polo xestor cultural e escritor José Tono Martínez e o ilustrador e historietista Pere Joan, reúne os carteis e cómics elaborados por catorce destacados debuxantes españois, con obxecto de rescatar a iconografía e simbolismo orixinais do Camiño e trasladalos aos nosos días.